Bidhaa bandia zatajwa kutishia afya,uchumi na biashara halali

 



Na Mwandishi Wetu


Serikali imezitaka taasisi zote zinazohusika na udhibiti wa bidhaa nchini kuimarisha mapambano dhidi ya bidhaa bandia, hususan pombe, vilainishi na sigara bandia, ambazo zimeendelea kuhatarisha afya za wananchi, kuathiri biashara halali na kupunguza mapato ya Serikali.


Kauli hiyo imetolewa leo Juni 25,2026 na Mkuu wa Wilaya ya Temeke, Sixtus Mapunda aliyemwakilisha Mkuu wa Mkoa wa Dar es Salaam katika kilele cha Maadhimisho ya Kitaifa ya Siku ya Kudhibiti Bidhaa Bandia Duniani yaliyofanyika jijini Dar es Salaam chini ya kaulimbiu isemayo “Linda maisha na masoko dhidi ya pombe, vilainishi na sigara bandia.”



Mapunda amesema biashara ya bidhaa bandia imekuwa changamoto kubwa inayohitaji ushirikiano wa wadau wote kutokana na athari zake kwa afya za wananchi, mazingira ya biashara na uchumi wa taifa kwa ujumla.

Ameeleza kuwa licha ya juhudi zinazofanywa na Tume ya Ushindani (FCC), bado kuna haja ya kuongeza matumizi ya teknolojia za kisasa katika uchunguzi, ufuatiliaji na udhibiti wa bidhaa bandia, hasa katika masoko ya kidijitali na mipakani.

Aidha, ameagiza FCC kuendelea kuimarisha uratibu na ushirikiano na taasisi nyingine za udhibiti, vyombo vya dola na mamlaka za forodha ili kubaini na kuziba mianya inayotumiwa na wahalifu wa kiuchumi kusambaza bidhaa bandia sokoni.

Kwa upande wake, Kamishna wa FCC, Said Tunda, amesema tume imepata mafanikio makubwa katika utekelezaji wa mpango mkakati wa miaka mitano uliomalizika, ikiwemo kuimarisha usimamizi wa ushindani, kulinda watumiaji na kudhibiti bidhaa bandia nchini.

Amesema kutokana na ongezeko la changamoto za bidhaa bandia, FCC imeandaa mpango mkakati mpya wa miaka mitano ambao umeweka eneo la udhibiti wa bidhaa bandia kuwa lengo mahsusi ili kuongeza ufanisi katika kugundua, kuzuia na kuondoa bidhaa hizo sokoni.

Tunda alibainisha kuwa maendeleo ya biashara mtandao, mabadiliko ya mifumo ya biashara na matumizi ya teknolojia mpya yameongeza changamoto katika mapambano dhidi ya bidhaa bandia, hivyo kuhitaji uwekezaji mkubwa zaidi katika mifumo, teknolojia na rasilimali watu.

Naye Kaimu Mkurugenzi Mkuu wa FCC, Khadija Ngasongwa, amesema maadhimisho ya mwaka huu yamelenga kuongeza uelewa wa umma kuhusu madhara ya pombe, vilainishi na sigara bandia pamoja na kujenga ushirikiano wa karibu kati ya serikali, sekta binafsi na wananchi.

Alisema katika miezi ya hivi karibuni FCC imefanikiwa kukamata shehena mbalimbali za bidhaa bandia zikiwemo pombe, sigara na vilainishi ambazo zingesababisha madhara makubwa kwa watumiaji na uchumi wa nchi kama zingefika sokoni.

Kwa upande wake, Mwenyekiti wa Baraza la Ushindani, Jaji Rose Ibrahim, alisema bidhaa bandia si tu kwamba zinapunguza mapato ya serikali bali pia zinadhoofisha uwekezaji halali na kuhatarisha maisha ya wananchi kutokana na viwango duni vya ubora.

Alihimiza wananchi kuwa makini wanaponunua bidhaa mbalimbali na kutoa taarifa kwa mamlaka husika wanapobaini bidhaa zenye viashiria vya kuwa bandia ili kusaidia juhudi za serikali katika kulinda afya za wananchi na kuhakikisha ushindani wa haki katika masoko ya Tanzania.

Maadhimisho hayo yaliwakutanisha wadau mbalimbali kutoka taasisi za serikali, sekta binafsi, vyombo vya ulinzi na usalama, wafanyabiashara pamoja na vyombo vya habari kwa lengo la kujadili mikakati ya pamoja ya kupambana na bidhaa bandia na kulinda masoko ya nchi.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more