NACTVET YATUMIA SABASABA KUTOA HAMASA YA ELIMU YA AMALI, YAWAONESHA WANAFUNZI WENYE UJUZI WA VITENDO


Na Mwandishi Wetu

Baraza la Taifa la Elimu ya Ufundi na Mafunzo ya Ufundi Stadi (NACTVET) linatumia Maonesho ya 50 ya Kimataifa ya Biashara ya Dar es Salaam (Sabasaba) kutoa elimu kwa umma kuhusu majukumu yake ya kusimamia ubora wa elimu ya ufundi na mafunzo ya ufundi stadi, huku likitumia wanafunzi wa mkondo wa amali kuonesha matokeo ya maboresho ya mtaala wa elimu.


Akizungumza na waandishi wa habari juni 2,2026 Afisa habari NACTVET, Dora Tesha, alisema maonesho hayo yamekuwa fursa muhimu ya kuwafikia wananchi, wazazi na wadau mbalimbali kwa kuwapa elimu kuhusu huduma zinazotolewa na baraza pamoja na nafasi ya elimu ya amali katika kuwaandaa vijana kujitegemea.


Alisema jukumu kuu la NACTVET ni kusimamia utoaji wa elimu ya ufundi na mafunzo ya ufundi stadi nchini ili kuhakikisha vyuo vinatoa mafunzo yenye viwango vinavyokubalika na yanayozalisha wahitimu wenye ujuzi unaohitajika katika soko la ajira.

Tesha alisema katika banda la NACTVET wananchi wanapata huduma mbalimbali ikiwemo taarifa kuhusu usajili wa vyuo, haki za wanafunzi, pamoja na elimu kuhusu mkondo wa amali ulioanzishwa kupitia maboresho ya Sera ya Elimu na Mafunzo ya mwaka 2014, toleo la 2023.

Alieleza kuwa kuanzishwa kwa mkondo wa amali katika shule za sekondari kumewawezesha wanafunzi kupata ujuzi wa vitendo wakiwa bado shuleni, hatua inayowaandaa kujiajiri au kuendelea na masomo ya taaluma mbalimbali baada ya kuhitimu.

"Tumewaleta wanafunzi kwenye maonesho haya ili wazazi na wananchi wajionee wenyewe uwezo wao. Wapo wanaofanya kazi za umeme, kuchora ramani za majengo na kutengeneza miradi mbalimbali. Haya ni matokeo ya uwekezaji uliofanywa kwenye elimu ya amali," alisema Tesha.

Mwanafunzi wa kidato cha tatu kutoka Shule ya Sekondari Baobab anayesoma mkondo wa amali katika fani ya umeme alisema mfumo huo umemjengea uwezo wa vitendo na kumpa matumaini ya kutimiza ndoto zake za kuwa mhandisi siku zijazo.

Alisema mafunzo hayo yamewapa wanafunzi nafasi ya kuandaa miradi mbalimbali ya umeme na kuwahimiza Serikali kuendelea kuupanua mkondo wa amali katika shule nyingi zaidi.

Kwa upande wake, mwalimu wa taaluma ya amali katika Shule ya Sekondari Baobab, Philip Razalo, alisema mkondo huo unawajengea wanafunzi uwezo wa kujiajiri na kuanzisha biashara zao badala ya kusubiri ajira rasmi baada ya kuhitimu masomo.

Naye mwanafunzi wa mafunzo ya amali kutoka shule sekondari ya bwiru Daud Elias, alisema elimu hiyo imemwezesha kujifunza kuchora ramani za majengo na kuelewa hatua mbalimbali za ujenzi, akisisitiza kuwa kuimarishwa kwa mkondo wa amali kutazalisha vijana wengi wenye ujuzi watakaochangia maendeleo ya uchumi wa taifa.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more