BoT YANG'AA TUZO YA UBUNIFU KATIKA HUDUMA JUMUISHI ZA KIFEDHA.



Na Sophia Kingimali 


Benki kuu ya Tanzania( BoT)imetunukiwa Tuzo kuu ya ubunifu katika huduma jumuishi za kifedha ambapo tuzo hiyo imetokana na ubunifu wa mifumo ya malipo ikiwemo mfumo wa TIPS(Tanzania Instant Payment System) na TANQR(QR Code ya kitaifa ya malipo).


Akizungumza na waandishi wa habari leo Septemba 16,2025 jijini Dar es Salaam wakati akitangaza tuzo hiyo Mkurugenzi wa Mifumo ya malipo ya Taifa Lucy Shaidi amesema tuzo hiyo imetolewa na Jumuiya ya huduma Jumuishi za Fedha(AFI) yenye wanachama 84 duniani imetokana na juhudi za BOT katika ubunifu uliofanywa wa kiteknolojia katika kufanikisha uchumi wa kidigital.

"Mfumo huu wa TIPS umesaidia kupunguza gharama za miamala kwa wananchi huku mfumo wa TANQR ukiwarahisishia wafanyabiashara kupokea malipo kupitia benki na makampuni ya simu hivyo mfumo huu umewavutia mataifa mengi ya jirani",Amesema.


Ameongeza kuwa tayari BoT imeshatoa ujuzi huo kwa nchi ya Kenya,Lesotho,Rwanda na Uganda huku burundi ikiwa inatarajiwa kupata mafuzo hayo hivi karibuni.


"Kwa mujibu wa Takwimu mfumo wa TIPS umewezesha ongezeko la miamala kufikia milioni 560 yenye thamani ya shilingi Trilioni 41 kwa mwaka wa fedha 2024-2025 sambamba na kuanzisha mazingira ya majaribio ya ubunifu yanayowezesha wabunifu wa teknolojia kujaribu bunifu zao kabla ya kuzifikisha sokoni",Amesema.


Sambamba na hayo amesema wamezindua mfumo unaofahamika kwa jina la SEMA na BoT wenye lengo la kushughulikia malalamiko ya wananchi kuhusu huduma za kifedha nchini.

Kwa upande wake Meneja msaidizi wa kurugenzi ya mifumo ya malipo ya Taifa Mutashobya Mushumbusi amesema tuzo hiyo ni ya heshima kubwa kwa nchi hivyo inatoa motisha kwa watendaji kuendelea kutumia ubunifu na teknolojia ili kufanikisha uchumi wa kidigital.


Pia ameongeza kuwa mpaka sasa asilimia 76 ya watanzania kwa sasa wanapata huduma ya jumuishi za kifedha kwani lengo likiwa kufikia mwaka 2028 asilimia 85 wawe wanatumia huduma hizo.


Tuzo hiyo ilitolewa katika mkutano mkuu wa AFI uliofanyika hivi karibuni mjini Swakopmund nchini Namibia na ilipokelewa na Naibu gavana wa BoT anayeshughulikia uthabiti na usimamizi wa Sekta wa sekta ya Fedha Sauda Msemo kwa niaba ya Gavana Emmanuel Tutuba.





Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more