CHAMA CHA MAKINI WAMPA TANO DKT SAMIA KUTOKANA NA UONGOZI WAKE.

 


Na Sophia Kingimali.


Mgombea Urais kupitia Chama makini Coster Kibonde amesema pindi atakapopata ridhaa ya kuwa Rais atampa uongozi wa juu mgombea urais na Rais wa Jamuhuri ya Muungano wa Tanzania Dkt.Samia Suluhu Hassan kutokana na umahiri wake wa uongozi.


Hayo ameyasema leo Septemba 2,2025 Jijini Dar es salaam wakati wa uzinduzi wa kampeni za chama hicho amesema Dkt Samia ni mwanadiplomasia mzuri kwani katika kipindi chake amefanya mambo mengi mazuri na hayapaswi kubezwa.


"Pindi wananchi watakaponipa ridhaa na tume huru kunitangaza kuwa Rais wa nchi hii viongozi wote walioingia kwenye mchakato wa kugombea nafasi ya urais nitawapa nafasi kwenye serikali yangu lakini nafasi ya kwanza nitampa Dkt Samia Suluhu Hassan kwani huyu ni mwana diplomasia mzuri na ninaamini atakwenda kuifanya kazi nzuri kwenye serikali",Amesema Kibonde.


Akizungumzia vipaumbele vyake pindi atakapopata ridhaa ya wananchi kyongoza amesema chama chao kimeweka vipaumbele vitatu ambayo ni Elimu,kilimo na afya ambapo katika elimu wanatarajia kutoa elimu bure kuanzia chekechea hadi chuo kikuu.


Aidha ameongeza kuwa watajenga hospitali katika kila kata na kuweka vitendea kazi lakini kutoa fursa kwa madaktari na wauguza kwenda nje ya nchi kupata uzoefu na kuja kuutumia uzoefu huo katika hospitali za hapa nchini.

Akizungumzia kilimo amesema wamejipanga kutoa heka tano kwa kila kijana pamoja na pembejeo ili wajikite kwenye kilimo lakin pia watapata na hati miliki za heka hizo ili waweze kutumia hati hizo katika kupata mikopo kutoka kwenye taasisi za mikopo zilipo.

Sambamba na hayo ameipongeza Tume huru ya uchaguzi (INEC) kwa kuvishirikisha vyama vya siasa katika kila hatua na kuwapitisha kwenye sheria zote hivyo imewapa inami ya kuwa na uchaguzi huru na haki.

Kwa upande wake mgombea mwenza Azza Haji Suleiman ametoa rai kwa vijana kuepuka kutumika katika kuvunja amani hasa kwenye kipindi hiki cha kampeni na mpaka uchaguzi mkuu Octoba 29 badala yake watumie muda huu kusikiliza sera na kujitokeza kwa wingi kupiga kura na kuwachagua viongozi wa chama hicho.


"Vijana niwasihi tudumishe amani na utulivu ili uchaguze uwe na amani muepuke kushawishiwa kuwa chanzo cha machafuko kwani mkumbuke pindi amani ikikosekana kuna wagonjwa wazee na watoto ndio watakao pata matatizo zaidi hivyo niwaombe muendelee kuwa mabolozi wazuri wa amani nchini",Amesema.

Naye,Katibu mkuu wa chama hicho ambae pia ni mgombea Urais kwa Serikali ya mapinduzi  Zanzibar Ameir Hassan Ameir amesema pindi watakapoingia madarakani wataanzisha mfuko wa mikopo kwa ajili ya mama lishe lengo likiwa kumkwama mwanamke kiuchumi kwani mkopo huo hautakuwa na riba.


Pia ameongeza kuwa watatoa bodaboda milioni moja bure kwa vijana lengonkuchochea ajira lakini pia kutoa mkopo wa milioni 10 kwa kila mfanyabiashara wa mitumba pamoja na kutoa posho ya laki moja kwa mwezi kwa wazee nchi nzima.






Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more