DIWANI KATA YA NDUGUMBI AHAIDI MAKUBWA AWATAKA WANANCHI KUMUAMINI NA KUMCHAGUA.

 


Viongozi wa Chama Cha Mapinduzi (CCM) katika kata ya Ndugumbi wamewataka wananchi kujitokeza kwa wingi kupiga kura ifikapo tarehe 29 ili kukamilisha ushindi wa chama hicho katika ngazi zote za uongozi. 


Wito huo umetolewa jijini Dar es salaam wakati wa uzinduzi wa kampeni za udiwani katika kata hiyo mkutano uliohudhuriwa na wanachama na wafuasi wa CCM, ambapo mgombea wa udiwani wa kata hiyo, Amina Mtevu, alitambulishwa rasmi.


Akizungumza katika mkutano huo, Mwenyekiti wa CCM mkoa wa Dar es Salaam, Abasi Mtevu, amewakumbusha wananchi kuwa siasa ni maisha na ni lazima viongozi wasikilize na kutatua changamoto za wananchi. 



Pia amewataka wananchi kutokuridhika tu kwa imani kuwa CCM itashinda, bali wajitokeze kupiga kura ili chama kipate ushindi wa heshima. 


“Msiache kwenda kupiga kura. Ushindi wa heshima unahitaji kila mmoja kujitokeza octoba 29 mapema kwenda kupiga kura kwa kuchagua viongozi wa CCM,”amesema.

Kwa upande wake Mgombea wa udiwani, kata ya Ndugumbi Amina Mtevu, amewaomba wananchi wamwamini na kumpa nafasi ya kuendeleza maendeleo katika kata ya Ndugumbi. 


Aidha ameahidi kuendelea kusimamia upatikanaji wa mikopo kwa wanawake na vijana, kushughulikia changamoto za mto Mwangosi unaosababisha mafuriko, na kuhakikisha miradi ya barabara za ndani inakamilika kwa wakati.


“Uongozi haujaribiwi,” amesema Amina, “Nawaomba mniamini, nami nitahakikisha maendeleo yanafika kila kona ya Ndugumbi.”

Awali Mwenyekiti wa vijana wa CCM(UVCCM)mkoa wa Dar es Salaam Nasra Mohammed ameongeza kuwa Rais Dk. Samia Suluhu Hassan ameendeleza na kukamilisha miradi yote iliyoanzishwa na watangulizi wake, ikiwemo kushughulikia tatizo la maji kupitia mradi wa bwawa la Kidunda, ambao sasa umefikia asilimia 3 na unatarajiwa kukamilika mwaka 2026. 


Alitaja pia kwamba serikali imeanza kuboresha miundombinu ya mkoa huo kupitia barabara za mwendokasi na mipango ya ujenzi wa reli za ndani kutokana na ongezeko la watu na magari.


Vilevile, amebainisha kuwa zaidi ya bilioni 60 zimetengwa kama mikopo kwa vijana, wanawake na watu wenye ulemavu, huku milioni 300 zikitengwa kuboresha masoko na kujenga soko jipya Ndugumbi. Hata hivyo, sehemu ya fedha hizo ilielekezwa upya kutengeneza soko la Kawe lililoungua moto.

Katibu wa CCM kata ya Ndugumbi, Christina Gama amesema kuwa CCM imekuwa ikishinda mara zote katika kata hiyo na safari hii wanaamini ushindi huo utadumishwa. 


Amefafanua kuwa awali kulikuwa na wagombea saba waliowania nafasi ya udiwani, lakini baada ya mchujo na kikao cha maridhiano, Amina Mtevu alipatikana kuwa mgombea wa chama. 


“Makundi yote sasa yamevunjwa, tumeungana kuhakikisha kura zote zinakwenda kwa wagombea wetu na chama,” amesema.


Awali aliyekuwa diwani wa kata hiyo, Masawe, aliwaeleza wananchi kuwa CCM imefanikisha maendeleo makubwa katika kata hiyo ambapo ametaja mafanikio makuu matatu ambayo ni ujenzi wa Kituo cha Afya, maboresho makubwa katika shule tatu za kata hiyo, na ujenzi wa barabara nyingi kwa kiwango cha lami na zege. 


Ameongeza kuwa madarasa 12 na vyoo vipya vimejengwa, na wanafunzi sasa wanapata huduma ya chakula shuleni, yote ikiwa ni utekelezaji wa ilani ya CCM.


Viongozi wa CCM wamesisitiza mshikamano na amani wakati wa uchaguzi huku wakiwataka wananchi kuhakikisha wanakamilisha “mafiga matatu” kwa kupiga kura za Urais, Ubunge, na Udiwani ili maendeleo yaliyoanza kuonekana yaendelee.







Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more