DOYO AHAIDI KUINYOOSHA NCHI, ATOA WITO WA AMANI NA MABADILIKO

 


Na Sophia Kingimali


Mgombea urais kupitia chama cha NLD, Doyo Hassan, amesema chama chake kimeendesha kampeni za kistaarabu na kisayansi katika mikoa yote 26 nchini, akisisitiza dhamira ya serikali watakayoiongoza kuwa ya kumkomboa Mtanzania kiuchumi na kijamii.


Akizungumza leo Octoba 16,2025 jijini Dar es salaam katika moja ya mikutano ya kampeni, Doyo amesema ilani ya chama hicho imeweka vipaumbele vinavyojikita katika kumwezesha kijana kujiajiri, kujitegemea na kuchochea ukuaji wa uchumi wa wananchi wa kipato cha chini.


“Ilani yetu imeeleza wazi namna tutakavyomsadia Mtanzania kujikwamua kiuchumi. Tunataka kuona kijana anaajiriwa, anajiajiri na kuacha utegemezi. Nawaomba Oktoba 29 mjitokeze kupiga kura, mnichague ili niweze kuinyoosha nchi yetu,” alisema Doyo.

Aidha, Doyo aliwataka wananchi kuhakikisha uchaguzi unafanyika kwa amani ili kuepuka vurugu zinazoweza kuathiri maendeleo ya taifa.


“Niwaombe sana, mkapige kura kwa amani. Mkivunja amani, hakuna maendeleo yatakayopatikana,” alionya.


Akiomba kura kwa mgombea ubunge wa NLD jimbo la Ubungo, Gradiness Msuya, Doyo amesema jimbo hilo limebaki nyuma kimaendeleo kutokana na miundombinu mibovu, shule zisizo na madawati na barabara zisizopitika.

Aidha Doyo ameahidi kupunguza gharama zisizo za lazima ikiwemo misafara mikubwa ya Rais, akisema fedha hizo zitapelekwa kwenye miradi ya maendeleo ya wananchi.

Kwa upande wake, Gradiness Msuya, mgombea ubunge wa jimbo la Ubungo, amewataka wananchi kuhakikisha hawafanyi makosa siku ya kupiga kura ili kuleta mabadiliko chanya kwa maendeleo ya jimbo hilo.


“Niwaombe tarehe 29 msifanye makosa. Tukiungana tutaleta mageuzi katika nchi yetu, lakini pia tuijenge Ubungo yetu,” amesema Msuya.

Naye Mkurugenzi wa kampeni za chama hicho, Ibrahim Pogola, amesema NLD imeanzisha mbinu mpya ya “mobile kampeni” ambapo wanawafuata wapiga kura walipo badala ya kutumia mikutano mikubwa yenye gharama.


“Tunafanya kampeni za kisayansi. Hatuleti wasanii wala kubeba wananchi kwa magari. Tunawafuata wananchi walipo ili tusikilize matatizo yao na tuwaeleeze sera zetu  moja kwa moja ili wao wafanye maamuzi” amesema Pogola.


Amesisitiza kuwa ilani ya NLD imelenga kupunguza maslahi makubwa ya wabunge na kuelekeza fedha hizo kuboresha mishahara ya walimu na madaktari.


“NLD imekuja na ilani bora. Tunalenga kupunguza maslahi ya wabunge ili fedha hizo ziwanufaishe walimu, madaktari na watumishi wa umma,” amehitimisha Pogola.




Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more