SERIKALI YAWATAKA WATANZANIA KUDUMISHA AMANI NCHINI.



Na Sophia Kingimali.


Serikali imewataka Watanzania kuendelea kudumisha amani, umoja na mshikamano katika kipindi hiki cha kuelekea Uchaguzi Mkuu wa Mwaka 2025, ikisisitiza kuwa kupiga kura ni haki ya kikatiba huku kulinda amani ni wajibu wa kila Mtanzania.


Akizungumza kwa niaba ya Makamu wa Rais wa Jamhuri ya Muungano wa Tanzania, Dkt. Philip Mpango, ,Waziri wa Nchi, Ofisi ya Rais, Mipango na Uwekezaji Prof. Kitila Mkumbo, alitoa wito huo katika Kongamano la Kitaifa la Amani lililofanyika Leo Octoba 27,2025 jijini Dar es Salaam, likiwa na kaulimbiu “Kupiga kura ni haki yetu, kuilinda amani ni wajibu wetu.”


Prof. Mkumbo amewahimiza Watanzania kutumia uchaguzi kama jukwaa la kuimarisha maendeleo na utulivu wa taifa. 


“Maendeleo ni mchakato endelevu. Tutumie uchaguzi huu kuwachagua viongozi watakaotupeleka mbele katika dira ya amani na maendeleo tunayoitamani,” amesema.


Prof. Mkumbo ameishukuru Kamati ya Amani ya Kitaifa kwa kuandaa makongamano hayo nchini kote, kwani  yamerudisha imani kubwa miongoni mwa wananchi kwa taasisi za dini na viongozi wa serikali. “Watanzania wengi wanaamini sana viongozi wa dini, kisha Rais, halafu Jeshi. Hivyo, mmefanya jambo kubwa kwa kusaidia nchi yetu katika kipindi hiki nyeti,” amesema.



Ameongeza kuwa serikali inatambua mchango wa viongozi wa dini katika kuhimiza maombi na mazungumzo ya amani, akibainisha kuwa mafanikio mengi yaliyopatikana nchini ni matokeo ya maombi ya Watanzania. “Kwa niaba ya serikali, nawapongeza na kuwashukuru kwa kuendelea kuiombea nchi yetu, viongozi wetu na Watanzania kwa ujumla,” alisema Prof. Mkumbo.


Akizungumzia uchaguzi ujao, amesema Tanzania ipo katika maandalizi ya Uchaguzi Mkuu wa 14 tangu uhuru, na kwamba hakuna uchaguzi wowote uliowahi kukosa changamoto, lakini daima nchi imeendelea kudumisha amani na utulivu. “Huu ni uchaguzi wa saba tangu kuanzishwa kwa mfumo wa vyama vingi, na yote yamekuwa yakifanyika kwa amani. Tunapaswa kumwomba Mungu uchaguzi huu nao uwe wa amani,” amesisitiza.


Prof. Mkumbo alisema uchaguzi ni fursa muhimu ya kutafakari historia na mustakabali wa taifa, akiwahimiza Watanzania kujitokeza kwa wingi kupiga kura. “Uchaguzi unahusisha tunu zetu za taifa: utu, haki, usawa, upendo, umoja, demokrasia, muungano na amani. Hizi ndizo nguzo zinazoitambulisha Tanzania,” amesema.

Sambamba na hayo ameonya kuwa Watanzania wasizoe amani wakidhani ni jambo la kawaida, kwani ikipotea, ni vigumu kuirejesha. “Amani ni msingi wa kila jambo. Maendeleo, demokrasia na hata ibada haviwezi kudumu bila amani,” alisisitiza.

Kwa upande wake, Kamishna Msaidizi wa Polisi Kanda Maalum ya Dar es Salaam, Mohamed Makusi, amesema Jeshi la Polisi litaendelea kufanya kazi kwa weledi mkubwa kuhakikisha uchaguzi unafanyika katika mazingira ya amani na usalama. “Tutahakikisha kila mwenye haki ya kupiga kura anapiga kwa utulivu, na nchi yetu inabaki salama hata baada ya uchaguzi,” alisema Makusi.


Naye Mwenyekiti wa Jumuiya ya Maridhiano, Sheikh Alhad Mussa, amewaomba viongozi wa dini na wazazi kuendelea kuwaelimisha vijana kuhusu thamani ya amani. “Vijana wafahamu hawana nchi nyingine zaidi ya Tanzania. Kuiharibu amani ni rahisi, lakini kuirejesha ni vigumu. Tuwasihi wasikubali kupotoshwa,” amesema Sheikh Mussa.


Kwa upande wake, Rais wa Taasisi ya Amani,maridhiano na maendeleo Ya AFREDA Dkt.Denis  Muchunguzi, amesisitiza kuwa taifa la Tanzania ni moja na linapaswa kulindwa kwa nguvu zote. “Tukiliacha likizama, tutazama sote. Amani ni takwa la maisha, katiba na dini zetu,” amesema.


Kongamano hilo limewaleta pamoja viongozi wa dini, serikali, vyombo vya ulinzi na usalama, na wawakilishi wa asasi za kiraia, likiwa ni sehemu ya maandalizi ya kitaifa kuelekea Uchaguzi Mkuu wa Oktoba 29, 2025.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more