Viongozi wa Serikali katika mitaa na kata ni chachu ya maendeleo:DC Mpogolo.



 Na Sophia Kingimali

Mkuu wa wilaya wa Ilala Edward Mpogolo amesema serikali inatambua na kuthamini
Ushirikiano unaoendelea kati ya viongozi wa serikali za mitaa na Shirika la Umeme Tanzania (TANESCO), katika kuhakikisha huduma za umeme zinawafikia wananchi kwa wakati na kwa ufanisi. 

Hayo ameyasema leo Novemba 20,2025 wakati akifungua  mafunzo maalumu kwa viongozi wa kata na mitaa, 

Amesema viongozi wa serikali za mitaa wana nafasi ya kipekee katika kusimamia masuala ya umeme kwa kuwa wao ndio wapo karibu na wananchi hivyo viongozi wanapaswa kuwasaidia wananchi kufahamu hatua sahihi za kutoa taarifa za hitilafu za umeme kupitia mfumo mpya wa Nihudumie, ambao unatoa huduma kwa haraka na bila gharama.

"Viongozi ni watu muhimu katika kusimamia ulinzi wa miundombinu ya umeme, ikiwemo nguzo na nyaya, hasa katika maeneo ya mijini ambayo yanakabiliwa na uharibifu kutokana na shughuli za ujenzi ambapo baadhi ya uharibifu huo husababishwa na watu wanaounganisha umeme kiholela, kitendo kinacholeta madhara kwa jamii na kuilazimu TANESCO kubeba lawama zisizostahili"Amesema.

Akizungumzia Wajibu wa viongozi wa mitaa, amesema suala la umeme ni miongoni mwa changamoto kubwa za wananchi, hivyo viongozi wanapaswa kushirikiana kikamilifu kuhakikisha matatizo hayo yanatatuliwa kwa kushirikiana na TANESCO.

Kwa upande wake Kaimu Mkurugenzi wa Mawasiliano na Huduma kwa Wateja, Irene Gowele, kwa niaba ya Mkurugenzi Mtendaji wa TANESCO LazaroTwange, amesema TANESCO imeanzisha mkakati wa kushirikiana kwa karibu na viongozi wa mitaa ili kuboresha upatikanaji wa taarifa, kuharakisha huduma na kutatua changamoto za umeme kwa ufanisi zaidi hivyo kupitia mafunzo na majadiliano yao ya leo, viongozi hao wataelezwa miradi ya kimkakati inayoendelea katika maeneo yao na namna wanavyoweza kuwa daraja la mawasiliano kati ya wananchi na shirika.

“Viongozi hawa ndio macho na masikio ya serikali katika maeneo yao. Tukifanya kazi nao kwa karibu, tunawafikia wananchi haraka na kwa uhakika zaidi,” amesema Gowele.

Naye, Mwenyekiti wa Wenyeviti wa Serikali za Mitaa Mkoa wa Dar es Salaam, Juma Abbas Mwegamno, ameishukuru TANESCO kwa kushirikisha viongozi hao na kuwapa elimu kuhusu utekelezaji wa miradi ya umeme ambapo hatua hiyo imewapa uwezo wa kurudisha taarifa sahihi kwa wananchi, kama inavyoelekezwa na Katiba ya Jamhuri ya Muungano wa Tanzania kuhusu wajibu wa mamlaka za umma.

Mwegamno ameongeza kuwa hatua ya TANESCO kuonyesha maendeleo ya miradi mikubwa, ikiwemo Bwawa la Julius Nyerere ambalo limekamilika kwa asilimia 100 na kuzalisha megawati 115,000, imetoa matumaini makubwa katika upatikanaji wa nishati ya uhakika nchini.

Amesema jitihada hizo zinaendana na maelekezo ya Rais Samia Suluhu Hassan ya kutumia nishati safi na bora kwa maendeleo ya kaya na viwanda.







Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more