WAZIRI AIPONGEZA BRELA KWA KUBORESHA MIFUMO NA KUONGEZA UFANISI.

 


Waziri wa Viwanda na Biashara, Mhe. Judith Salvio Kapinga, ameipongeza Wakala wa Usajili wa Biashara na Leseni (BRELA) kwa hatua kubwa za kuboresha mifumo ya utoaji huduma ili kuendana na dira ya Serikali katika masuala ya Biashara na Uwekezaji.


Akizungumza katika ziara yake aliyoifanya kwenye ofisi za BRELA, leo tarehe 27 Novemba 2025 Mhe. Kapinga alisema Serikali inaendelea kushuhudia mapinduzi makubwa ya kiteknolojia kwenye sekta ya viwanda, hivyo ni muhimu taasisi zinazohusiana moja kwa moja na biashara kuendelea kuboresha huduma zake.


"Tuko kwenye mapinduzi makubwa ya kiteknolojia, katika kipindi kama hiki huwezi kuacha kuzungumzia teknolojia inayorahisisha mazingira ya kufanya biashara. Nawapongeza kwa maboresho makubwa ya mifumo ambayo imeleta tija kwa kiasi kikubwa," alisema Waziri Mhe. Kapinga


Aidha, alieleza kuwa mpango wa maendeleo wa nchi unakusudia kuifikisha Tanzania kwenye uchumi wa trilioni dola na kwamba hilo linawezekana kwa kuweka mazingira rafiki ya kufanya biashara, kupunguza gharama na muda wa kuanzisha na kuendesha biashara, pamoja na kuwa na taasisi za umma zenye ufanisi na mifumo ya kidijitali inayounganishwa kikamilifu.


"Ninaamini BRELA ni lango kuu la kuingia kwenye uchumi wa soko, ndiyo mlango wa kwanza wa usajili wa makampuni, majina ya biashara, na mlinzi wa haki za miliki bunifu, alama za biashara na miundo bunifu ya viwandani," alieleza Mhe. Kapinga 


Katika miaka hii mitano, matarajio ya Rais ni makubwa sana, ameahidi ajira milioni nane, mitaa ya viwanda kila wilaya na fedha za mfuko wa vijana kwa ajili ya kuchochea ajira, hatua zote hizi chanzo chake ni hapa BRELA. 


Vile vile Waziri Kapinga aliongeza kuwa mafanikio ya uwekezaji yamejikita katika namna taasisi kama BRELA zinavyorahisisha taratibu za biashara na kusisitiza kuwa dira ya mwaka 2050 inalenga mafanikio ambayo Serikali inaamini yanaweza kufikiwa kwa kuwekeza kwenye ubunifu, sekta binafsi na teknolojia. 

Kwa upande wake, Afisa Mtendaji Mkuu wa BRELA, Bw. Godfrey Nyaisa amemshukuru Waziri wa Viwanda na Biashara, Mhe. Judith Salvio Kapinga kwa kutembelea Wakala na kujionea jinsi majukumu yanavyotekelezwa akisema ujio wake umeleta hamasa kubwa kwa watumishi na uongozi katika kuendelea kuboresha huduma kwa wananchi.


Bw. Nyaisa ameahidi kuyafanyia kazi maelekezo yote pamoja na ushauri uliotolewa, ili kuongeza ufanisi na kuimarisha utendaji kazi wa taasisi, hususan katika maeneo ya mifumo ya kidijitali na utoaji wa huduma kwa wakati.


“BRELA katika utekelezaji wa majukumu yetu, asilimia karibu 90 tunategemea mifumo. Mifumo yetu imeunganishwa na taasisi nyingi za msingi kama vile NIDA, TRA na Mabenki. Mifumo yetu inasomana; kwa mfano, huwezi kwenda kukopa benki bila wao kuomba taarifa zako BRELA,” alisema Bw. Nyaisa.


Ameeleza kuwa uhusiano huu wa kimfumo unalenga kurahisisha huduma, kuongeza uwazi, kupunguza mianya ya udanganyifu, na kuhakikisha taarifa zinazotolewa kwa wadau mbalimbali zinakuwa sahihi na zinapatikana kwa wakati.



Aidha, Bw. Nyaisa alisisitiza kuwa BRELA itaendelea kuboresha mifumo yake ili kuendana na kasi ya mabadiliko ya kiteknolojia na mahitaji ya sekta ya biashara nchini, sambamba na kuunga mkono malengo ya Serikali ya kujenga uchumi shindani na jumuishi kuelekea mwaka 2050.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more