MIAKA MINNE YA UONGOZI WA RAIS DKT.SAMIA MIRADI YA UWEKEZAJI IMEONGEZEKA;PROF.KITILA

 


Na Mwandishi wetu, Dar es Salaam


KATIKA kipindi cha miaka minne(2021-2025) ya uongozi wa Rais Dkt. Samia Suluhu Hassan, miradi ya uwekezaji iliyosajiliwa imeongezeka kutoka 252 kwa mwaka hadi kufikia miradi 901 kwa mwaka.

Aidha, kiwango cha mitaji ilivyovutiwa kuingia nchini iliongezeka kutoka Dola za Kimarekani Bilioni 3.7 mwaka 2021 hadi kufikia Dola bilioni 9.3 mwaka 2024.

Hayo yamebainishwa na Waziri wa Nchi, Ofisi ya Rais, Mipango na uwekezaji, Prof. Kitila Mkumbo, wakati akizungumza na waandishi wa habari jana jijini Dar es Salaam, uliolenga kutoa mwelekeo wa kisera na kiutendaji wa Serikali kupitia Wizara ya Mipango na Uwekezaji kwa kipindi cha miaka mitano ijayo.

Alisema katika kipindi cha miaka mitano ijayo, serikali imeweka vigezo vitatu katika uwekezaji katika kipindi cha miaka mitano ijayo ambayo ni idadi ya miradi ya uwekezaji iliyosajiliwa, idadi ya ajira zilizozalishwa kupitia miradi iliyosajiliwa pamoja na mtaji uliovutiwa kutokana na miradi hiyo.

Alisema katika kuhamasisha, kuvutia, kuwezesha na kuimarisha uwekezaji nchini, Serikali itandelea kuimarisha Kituo cha Mahala Pamoja (One Stop Facilitation Centre).

“Kituo hiki kwa sasa kina jumla ya taasisi 14 za umma zinazotoa huduma katika jengo moja kwa lengo la kuondoa urasimu, kupunguza muda, gharama na usumbufu kwa wawekezaji kuzunguka ofisi moja hadi nyingine,”alisema.

Pia kuimarisha na kukuza Benki ya Ardhi ambapo kwa mujibu wa Sheria Na. 6 ya Uwekezaji na Maeneo Maalum ya Kiuchumi ya Mwaka 2025, Mamlaka ya Uwekezaji na maeneo Maalum ya Kiuchumi Tanzania(TISEZA) imepewa jukumu la kuanzisha benki ya ardhi kwa kushirikiana na wizara yenye dhamana ya ardhi pamoja na mamlaka za serikali za mitaa.

“Hadi sasa (2025), TISEZA inamiliki ardhi yenye ukubwa wa Hekta 170,176.96 kwa ajili ya uwekezaji, ikijumuisha mashamba na maeneo maalum ya kiuchumi,”alisema.

Alisema hadi sasa kuna mashamba matano yanayomilikiwa na TISEZA yana ukubwa zaidi ya ekari 78,144.35, Viwanja na Mashamba yaliyowasilishwa kutoka kwenye Taasisi za Serikali na halmashauri ni zaidi ya 202 na viwanja vilivyowasilishwa na sekta binafsi 124.

Prof Kitila alisema miaka mitano ijayo, Serikali itaanzisha Jukwaa la Uwekezaji la Kitaifa (National Investment Forum) kwa ajili ya kukutana na wawekezaji wote na kufanya tathmini ya maendeleo ya uwekezaji nchini.

“Kuanzia Januari 2026, TISEZA itakuwa na jukumu la kuratibu jukwaa hili ambalo litahusisha Waziri wa Nchi, Ofisi ya Rais Mipango na Uwekezaji, Waziri wa Viwanda na Biashara, Waziri wa Fedha, Waziri wa Ardhi, Nyumba na Maendeleo ya Makazi, Waziri wa Muungano na Mazingira na taasisi husika za umma ili kukutana na wawekezaji kwa dhumuni la kufanya tathmini ya maendeleo ya uwekezaji nchini, kusikiliza changamoto, kupokea maoni, na kuyafanyia kazi,”alisema.

Kiongozi huyo alisema kwa kuzingatia malengo na matarajio ya Dira 2050, katika kipindi cha miaka mitano ijayo, miradi ya uwekezaji itachaguliwa kwa kuzingatia vigezo ambavyo ni uwezo na fursa ya kuzalisha ajira kwa wingi, uwezo na fursa ya kuongeza mauzo ya nje.

Aliongeza nafasi ya sekta kukua na kuchochea ukuaji wa sekta nyingine, nafasi ya sekta katika kuongeza thamani, fursa ya sekta katika kukuza mapato ya serikali.

Aidha kwa kuzingatia vigezo hivyo, kipaumbele katika uwekezaji kitatolewa katika maeneo 10 ambayo ni kilimo na uchakataji wa mazao ya kilimo, uzalishaji wa bidhaa muhimu kwa matumizi ya ndani na ambazo tunaagiza zaidi kutoka nje.

“Bidhaa hizi ni pamoja na uzalishaji wa dawa na vifaa tiba, mafuta ya kupikia na ngano. Tutakaribisha, kuhamasisha na kuwezesha uwekezaji katika kujenga kiwanda cha kukamua mafuta ya kupikia, kuanzisha vitalu vya kuzalisha mbegu bora za mafuta ya kula na kuanzisha mashamba makubwa ya kulima alizeti na ngano,”alisema Prof. Mkumbo.

Alisema sekta nyingine ni ufugaji kwa kuanzisha malisho ya mifugo, ranchi za biashara, uvuvi na ufugaji wa Samaki na kuanzisha viwanda vya kuchakata Samaki, utalii, ujenzi wa majengo kwa kujenga nyumba za makazi, ofisi, kumbi za mikutano, Madini, Huduma za fedha, Misitu, Nishati (ikiwemo mafuta na gesi).

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more