MTAALA MPYA ELIMU KUWAWEZESHA VIJANA KUJIAJIRI NA KUAJIRIWA:PROF.MKENDA.

 


Na.Mwandishi Wetu

Serikali kupitia Wizara ya Elimu, Sayansi na Teknolojia imetangaza kuwa mtaala mpya wa elimu utakaoanza kutumika mwaka 2028 utalenga kuwawezesha vijana kuajiriwa na kujiajiri wanapomaliza sekondari ambapo Mtaala huo utaweka elimu ya lazima hadi sekondari, ambapo shule ya msingi itahitimishwa darasa la sita badala ya saba, hatua inayolenga kuendana na mahitaji ya sasa ya soko la ajira.

Hayo yamesemwa leo Disemba 10,2025 Jijini Dar es salaam na waziri Waziri wa Elimu, Prof. Adolf Mkenda, amesema kuwa mageuzi haya ni utekelezaji wa maono ya Rais Dkt. Samia Suluhu Hassan ya kuifanya elimu iwe ya kizazi kipya na inayotoa ujuzi wa moja kwa moja huku akibainisha kuwa mtaala mpya unatoa mikondo miwili ya elimu ya sekondari: elimu ya jumla na elimu ya amali, ambayo inalenga kuongeza ujuzi wa vitendo.

"Katika mfumo mpya, mwanafunzi atamaliza darasa la sita na kuendelea na sekondari ya kati kwa miaka minne. Elimu ya sekondari itawafanya wanafunzi kupata ujuzi wa msingi unaowawezesha kuingia kwenye ajira au kuendelea na masomo ya juu. Prof. Mkenda alisema mfumo wa sasa wa 7+4+3+2 utaondolewa na kubadilishwa na mfumo wa 6+4+2 au 3+3 kulingana na mkondo wa masomo",Amesema.

Alifafanua kuwa elimu ya amali itatoa ujuzi wa ufundi na ufundi stadi, na mwanafunzi atakapohitimu kidato cha nne atapata cheti cha VETA pamoja na cha sekondari, hatua itakayomuwezesha kuajiriwa moja kwa moja. Pia serikali inaendelea kujenga shule 103 za ufundi kote nchini ili kuimarisha utoaji wa mafunzo hayo.

Aidha, Prof. Mkenda alisema kwamba somo la biashara, historia ya Tanzania na maadili vitakuwa vya lazima katika sekondari, huku Kiingereza kikifundishwa kuanzia darasa la kwanza hadi la sita, na Kiswahili pia kwa shule zenye mchepuo wa Kiingereza. Alisisitiza kuwa mageuzi haya yanalenga kupunguza changamoto zilizopo kwenye mfumo wa sasa na kuwafanya vijana kuwa tayari zaidi kuingia katika maisha ya uzalishaji na ajira.


Waziri alisema Tanzania imekuwa miongoni mwa nchi chache zilizoendelea kubaki na elimu ya lazima chini ya miaka tisa, jambo lililoonekana kurudisha nyuma maendeleo. Mageuzi haya yatasaidia kupanua wigo wa vijana wanaomaliza msingi kuendelea na sekondari, ambapo zaidi ya asilimia 75 ya wanafunzi wa sasa tayari wanaendelea na masomo ya sekondari.


Alibainisha kuwa serikali imejipanga kupokea idadi kubwa ya wanafunzi watakaohitimu darasa la sita kwa wakati mmoja na kuingia sekondari mwaka 2027. Pia alisema umri wa kuanza shule ukiwa miaka sita, watoto hitimu wakiwa na miaka 13, na bila mfumo mpya isingekuwa rahisi kwao kuajiriwa au kujiajiri.

Prof. Mkenda alisisitiza kuwa mageuzi ya elimu ni muhimu kwa mustakabali wa taifa na yataifanya sekta ya elimu kuakisi mahitaji halisi ya kizazi kipya, kuongeza ubora wa elimu na kujenga msingi wa uchumi wa viwanda na maarifa.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more