WAJASILIAMALI DSM WALAANI MAANDAMANO NA VURUGU WAAHIDI KUSHIRIKI KWENYE ULINZI WA AMANI.

 


Na.Mwandishi wetu

Wajasiriamali wa mkoa wa Dar es Salaam wamelaani vikali maandamano na vurugu za Oktoba 29, wakisisitiza kuwa vitendo hivyo vimeathiri kwa kiasi kikubwa biashara zao, ajira na ustawi wa jamii, huku wakitangaza kujipanga kulinda amani na mshikamano wa taifa.

Tamko hilo limetolewa leo jijini Dar es Salaam na wawakilishi wa wafanyabiashara kutoka wilaya zote tano za mkoa huo ambazo ni Ilala, Temeke, Ubungo, Kinondoni na Kigamboni, mbele ya waandishi wa habari, wakisema amani ndiyo msingi wa maendeleo na uchumi wa huduma unaotegemewa na wakazi wa jiji hilo.

Akizungumza kwa niaba ya wajasiriamali wa Ilala, Selemani, mfanyabiashara wa vifaa vya michezo kutoka Mboto, alisema kuwa bila amani hakuna biashara, hakuna ajira na hakuna maendeleo, hivyo kundi hilo limeazimia kupaza sauti kupinga vurugu na uchochezi wa aina yoyote.

Selemani aliongeza kuwa wajasiriamali wanapinga vikali watu wanaohamasisha machafuko wakiwa nje ya nchi au kupitia mitandao ya kijamii, akisema mara nyingi wao hawabebi madhara ya vitendo hivyo, wakati wananchi wa kawaida ndio huathirika moja kwa moja.

Kwa upande wake mwakilishi wa Temeke alisema kuwa vurugu hizo zilisababisha uharibifu wa miundombinu ikiwemo vituo vya mwendokasi, kukosekana kwa huduma za usafiri na kupotea kwa ajira na vyanzo vya kipato kwa wananchi wengi, hali iliyoacha mzigo mkubwa wa kiuchumi kwa jamii.

Alisema serikali inalazimika kutumia kodi za wananchi kurejesha miundombinu iliyoharibiwa, jambo ambalo lingeweza kuepukika endapo amani ingelindwa, hivyo akatoa wito kwa wote kukataa kushawishika kuingia katika machafuko yanayodhoofisha taifa.

Mwakilishi wa Ubungo, Hussein Bambe kutoka Kimara, alisema wafanyabiashara wadogo wamejifunza kuwa machafuko si njia sahihi ya kuleta mabadiliko ya kisiasa, kwani waathirika wakubwa huwa ni wananchi wa hali ya chini wanaopoteza mitaji yao iliyojengwa kwa miaka mingi.

Bambe alieleza kuwa baada ya vurugu hizo, hali ya ulinzi na huduma muhimu ilidorora katika baadhi ya maeneo, hali iliyowafanya wafanyabiashara kufanya kazi kwa hofu, akisisitiza kuwa umoja wa wafanyabiashara ni muhimu ili kulinda maslahi yao na jamii kwa ujumla.

Naye Waperejea Michael, machinga kutoka Kinondoni anayefanya biashara katika soko la Makumbusho, alisema machinga wamekuwa waathirika wakubwa wa vurugu, akionya dhidi ya wanasiasa na watu wanaotumia mitandao kueneza chuki, migawanyiko na uchochezi kwa maslahi binafsi.

Aliongeza kuwa wajasiriamali wanakemea pia viongozi wa dini wanaotumia majukwaa yao kuchochea vurugu au migawanyiko, akisema vitendo hivyo vinahatarisha mshikamano wa kitaifa na amani iliyojengwa kwa muda mrefu.

Kwa upande wake mzee Omar Abubakar Ilunga, mfanyabiashara mkongwe wa Kariakoo, alisema vurugu za Oktoba 29 zilisababisha wananchi wengi kujifungia majumbani kwa hofu, kukosa huduma muhimu na kuathiri maisha ya kila siku, akisisitiza kuwa hayo ni mafunzo kwa Watanzania wote kulinda amani.

Mzee Ilunga alisisitiza kauli mbiu ya “Tanzania ni mimi,” akimaanisha kuwa kila raia ana wajibu wa kulinda nchi, uchumi na miundombinu, bila kujali nani yuko madarakani, kwani viongozi hubadilika lakini taifa hubaki.

Katika maazimio yao, wajasiriamali wamekubaliana kupinga vurugu, uchochezi, uharibifu wa mali za umma na binafsi, pamoja na matusi ya kisiasa, na badala yake kuchagua amani kama njia pekee ya kulinda maisha, biashara na mustakabali wa taifa.

Wameahidi kushirikiana na taasisi mbalimbali na kutembelea masoko na vijiwe katika wilaya zote tano ili kueneza ujumbe wa amani, wakitoa wito kwa wafanyabiashara na wananchi wote kuungana, kukataa vishawishi vya machafuko na kulinda ustawi wa Dar es Salaam na Tanzania kwa ujumla.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more