Waumini wa Kanisa Katoliki watoa tamko dhidi ya kauli za Askofu Rwaichi.

 


Na Mwandishi Wetu.


Waumini wa Kanisa Katoliki, McDonald Silinde na Gerald Abel, wametoa tamko kwa vyombo vya habari wakilaani kauli walizodai zilitolewa na Askofu Mkuu wa Jimbo Kuu la Dar es Salaam, Mhashamu Jude Thaddeus Ruwa’ichi, wakati wa mahubiri ya Misa ya Krismasi iliyofanyika Desemba 25, 2025.

Akisoma tamko hilo mbele ya  waandishi wa habari leo Disemba 27,2025 Jijini Dar es Salaam, MacDonald Silinde amesema wametoa tamko hilo kwa huzuni na masikitiko makubwa, wakieleza kuwa maneno yaliyotamkwa madhabahuni yamewaumiza waumini wengi kisaikolojia na kiimani, na kuvunja misingi ya mafundisho ya Kikristo.

Silinde amesisitiza kuwa madhabahu ya kanisa ni mahali patakatifu pa kuhubiri Neno la Mungu, kuimarisha imani na kuleta faraja, na si jukwaa la matusi, vitisho au lugha ya chuki dhidi ya waumini.

Kwa mujibu wao, maneno makali na ya kudhalilisha yaliyodaiwa kutumiwa na Askofu, yakiwataja waumini kwa misemo kama “wapumbavu” na “wasaliti”, hayana nafasi katika mahubiri ya Kikristo yanayopaswa kuongozwa na upendo, haki na neema.

Aidha Silinde alinukuu maandiko ya Biblia yakisisitiza wajibu wa viongozi wa kiroho kuwa wajenzi wa amani na umoja, wakirejea Mathayo 5:9 na Wakolosai 4:6, wakisema neno la kiongozi wa kanisa linapaswa kujenga na kutia moyo, si kubomoa.

Waumini hao pia walikumbusha neno kutoka kitabu cha Mathayo 18:15 linaloelekeza kwamba pale panapokuwa na kosa, maonyo yafanyike faraghani, na si kuburuzana hadharani madhabahuni, jambo walilodai linawakwaza na kuwavunja moyo waumini.

Kuhusu chanzo cha mjadala, amesema bado hakuna majibu ya wazi kuhusu hoja zilizowasilishwa katika barua iliyofikishwa kwa Balozi wa Vatican nchini na waumini wenzao, wakidai badala ya kujibiwa, waumini waliotoa hoja hizo walijibiwa kwa matusi.

Aidha Katika tamko lao, wameeleza wasiwasi kuhusu madai ya kuingizwa kwa kanisa katika siasa za chama kimoja, wakimtaja Katibu Mkuu wa Baraza la Maaskofu Tanzania (TEC), Padri Charles Kitima, na kudai suala hilo linapaswa kufanyiwa uchunguzi wa kina.

Silinde  amesisitiza kuwa zama za viongozi wa dini kutisha waumini na kujiona hawakosei zimepitwa na wakati, wakisema kanisa la leo linahitaji viongozi wanaosikiliza, kuheshimu dhamira za waumini na kutambua kuwa kanisa linajengwa na waumini wote.

Amefafanua kuwa padri au askofu si kanisa, bali kanisa ni waumini, na kwamba kiongozi wa kiroho anapaswa kuwa muunganisha wa jamii, si chanzo cha migawanyiko, huku wakiongeza kuwa imani ya Kikristo si utaifa wala mali ya mtu yeyote.

Waumini hao wametangaza kuunga mkono kikamilifu waumini wenzao waliowasilisha barua Vatican, na kueleza kuwa wao pia watawasilisha malalamiko rasmi dhidi ya Padri Kitima na Askofu Ruwa’ichi, 

"lengo letu ni kulinda heshima na taswira ya Kanisa Katoliki kwani kanisa ni kubwa kuliko mtu au cheo chochote,hivyo linapaswa kujengwa na misingi ya upendo, haki, umoja na mshikamano, si kwa matusi, hukumu, hofu wala upendeleo wa kisiasa hivyo tunatoa wito kwa viongozi wa kanisa kurejea misingi hiyo",Amesema




Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more