RAIS DKT. SAMIA AZINDUA MPANGO MKAKATI WA KKK AWATAKA WAANGALIZI WA ELIMU NCHINI KUSIMAMIA UTEKELEZAJI WAKE.

 

Na Sophia Kingimali-Dar es salaam.


Rais wa Jamhuri ya Muungano wa Tanzania, Dkt. Samia Suluhu Hassan, ametoa wito kwa waangalizi wa elimu nchini kusimamia kwa karibu utekelezaji wa Mpango Mkakati wa Kisayansi wa Kujenga Umahiri wa Kusoma, Kuandika na Kuhesabu (KKK),huku akisisitiza kuwa mpango huo usibaki kwenye makaratasi bali utoe matokeo halisi kwa watoto wa awali pamoja na wanafunzi wa darasa la kwanza na la pili.

Wito huo ameutoa leo Januari 29,2026  wakati wa uzinduzi wa mpango huo jijini Dar es Salaam, Rais Samia ame sema lengo kuu la mkakati huo ni kuhakikisha hakuna mtoto anayefika darasa la tatu bila kuwa na uwezo wa msingi wa kusoma, kuandika na kuhesabu, kwani stadi hizo ndizo msingi wa mafanikio ya masomo katika ngazi zote za elimu.

Aidha Rais Samia ameipongeza Wizara ya Elimu, Sayansi na Teknolojia kwa kushirikiana na Ofisi ya Waziri Mkuu – TAMISEMI pamoja na wadau wa maendeleo kwa maandalizi ya mpango huo, akisema jitihada hizo zinaonesha dhamira ya dhati ya Serikali katika kuboresha ubora wa elimu nchini.

Ameeleza kuwa mpango mkakati huo ni sehemu ya utekelezaji wa ahadi zake za siku 100 pamoja na Dira ya Taifa ya Maendeleo 2050, inayolenga kujenga taifa linaloongozwa na maarifa, sayansi na teknolojia kwa maendeleo endelevu.

"Mtoto anayejengewa umahiri wa KKK mapema huwa na uwezo mkubwa wa kufikiri kwa kina, kuelewa maarifa mapya na kushiriki kikamilifu katika mchakato wa kujifunza, hali inayochangia kukuza rasilimali watu bora kwa taifa",Amesema Dkt.Samia.

Aidha, amesisitiza umuhimu wa matumizi ya teknolojia na vifaa vya kufundishia vinavyotengenezwa ndani ya nchi, kwani vimebuniwa kwa kuzingatia mazingira ya Tanzania na vina uwezo wa kumsaidia mtoto kujifunza kwa vitendo na kwa urahisi zaidi.

Katika hotuba yake, Rais Samia pia alieleza jitihada za Serikali katika kuboresha miundombinu ya elimu, ikiwemo ujenzi wa madarasa na ajira ya walimu, huku akisisitiza kuwa pamoja na uwekezaji huo, ubora wa ufundishaji na ufuatiliaji wa karibu wa wakaguzi wa elimu ni jambo la msingi.

Aidha Dkt  Samia ametoa wito kwa wazazi, walezi na jamii kwa ujumla kushirikiana na Serikali katika utekelezaji wa mpango huo, akisema mafanikio ya elimu ya watoto si jukumu la Serikali pekee bali ni wajibu wa kila mwananchi kwa ustawi wa taifa.

Kwa upande wake  Waziri wa Elimu, Sayansi na Teknolojia Profesa Adolf Mkenda amesema mpango huo unalenga kuimarisha ubora wa elimu kupitia mafunzo endelevu kwa walimu, maandalizi ya vifaa bora vya kufundishia na kujifunzia, pamoja na kushirikisha walimu katika kubuni mbinu rahisi na bunifu za ufundishaji ,huku  akieleza kuwa nyenzo hizo zitapatikana kirahisi katika maeneo yote ya nchi, zikiwemo zinazotengenezwa kwa malighafi za ndani, ili kuhakikisha kila mwanafunzi anapata fursa sawa ya kujifunza.

Aidha, amesisitiza kuwa utekelezaji wa mpango huo utafanyika kwa kipindi cha miaka mitano kwa ushirikiano na TAMISEMI na taasisi nyingine za elimu, huku Serikali ikiahidi kutoa mrejesho wa kila mwaka kuhusu hatua zilizofikiwa. Prof. Mkenda alitoa wito kwa wadau wa elimu kushirikiana kikamilifu ili kuhakikisha matokeo chanya yanaonekana kwa vitendo, akibainisha kuwa lengo kuu ni kuboresha msingi wa elimu na kuongeza umahiri wa wanafunzi nchini.

Naye Katibu Mtendaji wa Baraza la Mitihani la Tanzania (NECTA),Said Mohamed Ameeleza kuwa mpango wa KKK unalenga watoto wa miaka mitano hadi saba, ambao ni umri wa msingi katika kujenga uwezo wa kujifunza,kwani endapo mtoto hatapata stadi hizo mapema, huathirika katika nyanja zote za ukuaji ikiwemo kiakili, kijamii na kihisia. 

Aidha, amesema kwa mara ya kwanza mwaka 2025 NECTA ilifanya upimaji wa kitaifa wa darasa la pili ngazi ya shule, uliowahusisha wanafunzi zaidi ya milioni 1.7 katika shule zaidi ya elfu 8, kwa kutumia mfumo wa kidijitali wa PRN. Hatua hiyo imelenga kutambua mapema changamoto za wanafunzi ili zichukuliwe hatua kabla hawajafika madarasa ya juu.



Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more