Tutuba: Benki Kuu Yabakiza Riba Asilimia 5.75, Uchumi Waendelea Kuwa Imara.

 


Na.Mwandishi wetu.

Gavana wa Benki Kuu ya Tanzania (BoT), Emmanuel  Tutuba, amesema kuwa Riba ya Benki Kuu (CBR) imebakizwa kuwa asilimia 5.75 kwa robo ya kwanza ya mwaka 2026, huku akieleza kuwa uamuzi huo unalenga kuendeleza utulivu wa uchumi na kuchagiza ukuaji endelevu wa shughuli za kiuchumi nchini.

Akizungumza leo Januari 8,2026 Jijini Dar es salaam kufuatia kikao cha Kamati ya Sera ya Fedha (MPC) kilichofanyika tarehe 7 Januari 2026, Tutuba amesema uamuzi wa kubakiza riba umetokana na mwenendo mzuri wa mfumuko wa bei unaotarajiwa kuendelea kubaki ndani ya lengo la asilimia 3 hadi 5.

"Hatua hiyo itaendelea kuweka mazingira wezeshi kwa ukuaji wa uchumi, ikiwemo kuimarisha upatikanaji wa mikopo kwa sekta binafsi na kuendeleza uthabiti wa mfumo wa fedha nchini",Amesema.

Aidha Gavana ameongeza kuwa Benki Kuu itaendelea kutekeleza sera ya fedha kwa kuhakikisha riba ya mikopo ya siku saba baina ya benki (7-day interbank rate) inabaki ndani ya wigo wa asilimia 3.75 hadi 7.75, hatua inayolenga kudhibiti ukwasi na kuimarisha utulivu wa soko la fedha.

Akielezea hali ya uchumi wa dunia, Tutuba amesema uchumi wa kimataifa uliendelea kuimarika kwa kasi ya kuridhisha mwaka 2025 licha ya changamoto za migogoro ya kisiasa, ongezeko la ushuru wa forodha na kutokutabirika kwa matarajio ya kiuchumi. IMF inakadiria uchumi wa dunia kukua kwa asilimia 3.2 mwaka 2025 na kuendelea kukua kwa kasi hiyo mwaka 2026.

Ameongeza kuwa mfumuko wa bei duniani umeendelea kupungua katika nchi nyingi kutokana na kushuka kwa bei za nishati na utekelezaji wa sera madhubuti za fedha, hali inayotarajiwa kusaidia mfumuko wa bei nchini kuendelea kubaki ndani ya lengo kwa mwaka 2026.

Kuhusu bei za bidhaa za kimataifa, Gavana Tutuba amesema bei ya mafuta ghafi ilishuka hadi kati ya dola 62 na 65 kwa pipa katika robo ya nne ya 2025, hali inayosaidia kupunguza gharama za uagizaji na kuimarisha utulivu wa thamani ya shilingi huku bei ya dhahabu duniani ikitarajiwa kuongeza mapato ya fedha za kigeni kupitia mauzo ya madini.

Akizungumzia Kwa upande wa uchumi wa ndani, Tutuba ameeleza kuwa uchumi wa Tanzania Bara ulikua kwa kasi ya takriban asilimia 5.9 mwaka 2025, ukichangiwa zaidi na sekta za kilimo, madini na ujenzi, huku uchumi wa Zanzibar ukitarajiwa kukua kwa asilimia 6.8 mwaka 2026 kutokana na ujenzi, utalii na uzalishaji viwandani.

Amesema mfumuko wa bei uliendelea kuwa tulivu, ukiwa wastani wa asilimia 3.5 Tanzania Bara na asilimia 3.4 Zanzibar katika robo ya nne ya 2025 huku Sekta ya benki nayo ikiendelea kuwa imara, huku uwiano wa mikopo chechefu (NPLs) ukishuka hadi asilimia 3.1 na akiba ya fedha za kigeni kufikia zaidi ya dola bilioni 6.3.

Gavana Emmanuel M. Tutuba amesema Kamati ya Sera ya Fedha inatarajia kukutana tena tarehe 2 Aprili 2026, huku tangazo la Riba ya Benki Kuu kwa robo ya pili ya mwaka litafanyika tarehe 3 Aprili 2026.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more