MAKONDA: CAF KUFANYA MKUTANO TANZANIA, UWEKEZAJI WA SAMIA WAVUTIA AFRIKA.

 


Na. Sophia Kingimali.


Waziri wa Habari, Sanaa na Michezo, Paul Makonda, amesema Tanzania imeendelea kupata heshima kubwa kimataifa kufuatia uwekezaji mkubwa unaofanywa na Rais wa Jamhuri ya Muungano wa Tanzania, Dkt. Samia Suluhu Hassan, katika sekta ya michezo hususan mpira wa miguu na kupelekea wajumbe wa kamati tendaji ya CAF kuja nchini kwa ajili ya mikutano yake.

Akizungumza na waandishi wa habari, leo Januari 9,2026 Makonda amesema kuwa  Januari 16, Rais Samia alituma ujumbe maalum kwa Rais wa Shirikisho la Mpira wa Miguu Afrika (CAF), Patrice Motsepe, ikiwa ni sehemu ya kutambua mchango wake mkubwa katika kuendeleza soka barani Afrika na kuhamasisha amani kupitia michezo.

Amesema ujumbe huo uliainisha dhamira ya dhati ya Rais Samia kuendelea kuwekeza bila kujali gharama ili kuhakikisha Tanzania inakuwa miongoni mwa mataifa makubwa ya soka Afrika na hata duniani, jambo lililompa Motsepe msukumo wa kushirikiana kwa karibu na Tanzania.

Makonda ameeleza kuwa ushirikiano huo uliwezesha pande hizo kukutana na kujadiliana masuala mbalimbali ikiwemo ombi la CAF kufanya mikutano yake mikuu nchini Tanzania, hatua inayotokana na kuvutiwa na maendeleo makubwa ya miundombinu ya michezo.

Alifafanua kuwa kwa sasa Serikali inawekeza takribani shilingi trilioni 1.76 katika ujenzi na ukarabati wa viwanja vya michezo katika mikoa ya Arusha, Dodoma na Dar es Salaam, sambamba na uboreshaji wa miundombinu ya barabara na huduma zinazozunguka viwanja hivyo.

Makonda alisema tayari Rais wa CAF ameonesha nia ya kuja Tanzania kwa ajili ya mkutano wa Kamati Tendaji wa shirikisho hilo, ambapo timu za awali zinaanza kuwasili Dar es Salaam kuanzia tarehe 9, huku mkutano ukitarajiwa kufanyika Februari 13 katika Ukumbi wa Mikutano wa Kimataifa wa Julius Nyerere.

Ameongeza kuwa ujio wa viongozi hao ni fursa kubwa kwa Tanzania kujitangaza kama taifa salama, lenye amani na linalowekeza kwa vitendo katika michezo, pamoja na kutoa nafasi ya kupata msaada wa kitaalamu na kuhakikisha viwango vya CAF vinazingatiwa kikamilifu.

Makonda amesema maandalizi yote yanaendelea chini ya usimamizi wa Mkuu wa Mkoa wa Dar es Salaam, Albert Chalamila, ili kuhakikisha wageni hao wanapokelewa kwa heshima inayostahili kuanzia Uwanja wa Ndege wa Kimataifa wa Julius Nyerere hadi maeneo watakayofikia.

Amesisitiza kuwa mafanikio hayo yanapaswa kumshukuru Rais Samia Suluhu Hassan kwa kutambuliwa kimataifa, kupewa tuzo na kuendelea kujenga diplomasia ya michezo inayofanya sekta hiyo kuwa miongoni mwa sekta kumi bora zinazochangia maendeleo ya taifa.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more