MKUU WA MKOA DSM AITA WAWEKEZAJI SEKTA YA AFYA.

 


Na.Mwandishi Wetu.


Mkuu wa Mkoa wa Dar es Salaam, Albert Chalamila ametoa wito umetolewa kwa wawekezaji katika sekta ya afya kuja kuwekeza jijini Dar es Salaam (DSM) ili kuongeza upatikanaji wa huduma bora za tiba, ajira na kuchochea uchumi wa mkoa huo.

Wito huoameutoa leo Januari 12,2026 Jijini Dar es salaam,wakati wa ziara yake katika Hospitali ya Shifaa, Chalamila amesema Mkoa una uhitaji mkubwa wa hospitali za kisasa kutokana na ongezeko la watu na mahitaji mapya ya huduma za afya, hivyo ni fursa adhimu kwa wawekezaji wa ndani na nje ya nchi.

Amesema mazingira ya uwekezaji katika mkoa huo yameboreshwa, huku serikali ikiendelea kuweka sera na kanuni rafiki zinazowezesha sekta binafsi kuwekeza kwa urahisi katika miradi ya afya ikiwemo hospitali, vituo vya afya na viwanda vya dawa.

Chalamila amewapongeza wawekezaji wa Hospitali ya Shifaa kwa uwekezaji wao wa zaidi ya dola za Marekani milioni 60, akisema hospitali hiyo ni mfano wa uwekezaji wenye tija unaosaidia kuboresha maisha ya wananchi na kupunguza gharama za kusafiri nje ya nchi kutafuta matibabu.

Ameeleza kuwa uwekezaji katika afya hauishii kwenye kutoa huduma pekee, bali pia huleta ajira kwa madaktari, wauguzi na wataalamu wengine, pamoja na kuchochea maendeleo ya rasilimali watu ambayo ni msingi wa uchumi wa taifa.

Mkuu huyo wa mkoa amesisitiza umuhimu wa ushirikiano kati ya serikali na sekta binafsi (PPP), akisema badala ya serikali kujenga hospitali mpya kila eneo, inaweza kushirikiana na wawekezaji waliopo ili kupanua huduma kwa gharama ndogo na ufanisi zaidi.

Ameongeza kuwa uwekezaji wa afya unahitaji nguzo tatu muhimu ambazo ni rasilimali watu, miundombinu na vifaa tiba vya kisasa, huku serikali ikiahidi kuendelea kuweka mazingira wezeshi ili wawekezaji waweze kupata vibali na huduma kwa wakati.

Aidha amewahamasisha wananchi kuwa na bima ya afya ili kuongeza uwezo wa kupata matibabu katika hospitali binafsi na za serikali, akisema mpango wa bima ni sehemu ya mkakati wa Rais Dkt. Samia Suluhu Hassan wa kuhakikisha huduma za afya zinawafikia Watanzania wengi zaidi.

Amehitimisha kwa kutoa wito kwa wawekezaji wote wenye nia ya kuwekeza katika sekta ya afya kufika Dar es Salaam, akisisitiza kuwa mkoa uko tayari kushirikiana nao kwa karibu ili kuhakikisha miradi yao inafanikiwa na kunufaisha taifa kwa ujumla.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more