WADAU WATAKIWA KUCHUKUA HATUA KUELEKEA MVUA ZA MASIKA .




Na.Mwandishi Wetu.


Tahadhari imetolewa kwa wananchi na wadau wa sekta mbalimbali kujiandaa kikamilifu kuelekea msimu mpya wa mvua za Masika,  kutokana na uwezekano wa kutokea matukio ya hali mbaya ya hewa ikiwemo vipindi vya mvua  kubwa na  mafuriko.

Akizungumza na waandishi wa habari leo Februari 5,2026 jijini Dar es Salaam, Mkurugenzi Mkuu wa Mamlaka ya Hali ya Hewa Tanzania (TMA), Dk. Ladislaus Chang’ wakati akitoa mwelekeo wa mvua za Masika kwa kipindi cha Machi hadi Mei.amesema tathmini ya mifumo ya hali ya hewa inaonesha kuwa kwa msimu wa Masika mwaka huu, maeneo mengi nchini yanatarajiwa kupata mvua za wastani hadi juu kidogo ya wastani, huku baadhi ya maeneo yakitarajiwa kupata mvua za wastani hadi chini ya wastani.

"Pamoja na makadirio hayo, bado kuna uwezekano wa kutokea vipindi vifupi vya mvua kubwa katika maeneo mbalimbali nchini",Amesema.

Amesema kwa upande wa ukanda wa Ziwa Victoria unaojumuisha mikoa ya Kagera na Geita, Dk. Chang’a alisema maeneo hayo yanatarajiwa kupata mvua za wastani, huku mikoa ya Shinyanga ikitarajiwa kupata mvua za wastani kwenda chini kidogo ya wastani. Aliongeza kuwa mvua katika ukanda huo zinatarajiwa kuanza kati ya wiki ya nne ya Machi na kuendelea hadi Mei.

Katika nyanda za juu kaskazini mashariki zinazojumuisha mikoa ya Arusha, Manyara na Kilimanjaro, mvua zinatarajiwa kuwa za wastani kwenda chini kidogo ya wastani, huku zikianza kati ya wiki ya pili na ya tatu ya Machi na kuisha mwishoni mwa Mei. Aidha, ukanda wa pwani ya kaskazini unaojumuisha Tanga, Dar es Salaam, Pwani na kaskazini mwa Morogoro unatarajiwa kupata mvua kuanzia wiki ya pili ya Machi hadi wiki ya nne ya Mei na wiki ya kwanza ya Juni.

Dk. Chang’a alibainisha kuwa mabadiliko ya hali ya hewa yanaendelea kuongeza uwezekano wa matukio ya hali mbaya ya hewa, hivyo hata maeneo yanayotabiriwa kupata mvua za wastani yanaweza kukumbwa na mvua kubwa zisizotarajiwa. Alisema mwezi Aprili unatarajiwa kuwa na ongezeko kubwa la mvua katika maeneo mengi ya nchi.
Kwa sekta ya kilimo na usalama wa chakula, TMA imetoa ushauri kwa wakulima kuandaa mashamba mapema, kutumia mbinu bora za kilimo na kuchukua tahadhari za kuzuia mmomonyoko wa udongo pamoja na upotevu wa rutuba. Pia wakulima wametakiwa kufuatilia kwa karibu taarifa za utabiri wa hali ya hewa ili kupanga ratiba za upandaji na uvunaji.

Kwa upande wa mifugo, Dk. Chang’a ameonya kuhusu uwezekano wa kutokea upungufu wa maji na malisho katika maeneo yatakayopata mvua chini ya wastani, hali inayoweza kusababisha migogoro ya matumizi ya rasilimali. Pia alitahadharisha kuhusu uwezekano wa milipuko ya magonjwa ya mifugo na kuongezeka kwa wadudu waharibifu katika maeneo yatakayopata mvua nyingi.

Katika sekta za ujenzi, usafiri, afya na usimamizi wa maafa, TMA imesisitiza umuhimu wa kuzingatia taarifa za tahadhari na utabiri wa kila siku ili kupunguza athari za mafuriko, uharibifu wa miundombinu na hatari za kiafya. Dk. Chang’a aliwataka viongozi wa serikali za mitaa na wananchi kwa ujumla kuimarisha maandalizi na ushirikiano, pamoja na kusambaza taarifa za hali ya hewa kwa wakati ili kuokoa mali na maisha.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more