Chalamila Aanzisha Operesheni Maalum Kupambana na Utapeli wa Ardhi Dar es Salaam.

 



Na.SOPHIA KINGIMALI


Mkuu wa Mkoa Dar kuanza marathon ya kusikiliza na kutatua kero za ardhi

Mkuu wa Mkoa wa Dar es Salaam, Albert Chalamila, ametangaza kuanza rasmi kwa operesheni maalum ya kusikiliza na kutatua kero za ardhi na vitendo vya utapeli vinavyowaumiza wananchi wa mkoa huo, lengo likiwa ni kurejesha haki na kuondoa mtandao wa wanyang’anyi waliodumu kwa miaka mingi.

Akizungumza na waandishi wa habari, leo Machi 2,2026 Jijini Dar es salaam Chalamila amesema kumekuwepo na kiwango kikubwa cha utapeli na unyang’anyi wa ardhi unaofanywa na makundi yanayoshirikiana na baadhi ya watu ndani na nje ya mifumo ya kiutendaji. 

"Tayari baadhi ya waliokuwa wamepora ardhi wameanza kujitokeza na kuzirudisha kwa hiari, ambapo hadi sasa viwanja visivyopungua 19 vimerudishwa kimya kimya kwa wahusika halali",Amesema Chalamila.

Aidha Chalamila amebainisha kuwa makundi yaliyoathirika zaidi ni wajane, yatima, walinzi na familia zisizojiweza, ambao mara nyingi hunyang’anywa mali kwa kutumia nyaraka za kughushi au mikataba ya hila. “Hatuwezi kuruhusu Dar es Salaam ijengwe juu ya msingi wa dhuluma na choyo,” amesisitiza.

Mkuu huyo wa mkoa ametoa wiki moja kwa watu wanaojua wanamiliki ardhi isiyo yao kujitokeza na kuirejesha kabla ya kuchukuliwa hatua kali za kisheria, ikiwemo kufunguliwa mashtaka ya jinai na utakatishaji wa fedha kwani amesema orodha ya wahusika tayari ipo na uchunguzi wa kina umekamilika.

Mbali na ardhi, Chalamila amegusia utapeli katika biashara ya magari, akieleza kuwa baadhi ya watu wamekuwa wakilipa mamilioni ya shilingi kwa magari yanayodaiwa kuwa bandarini, lakini baadaye kubainika kuwa hayapo au hayajalipiwa ushuru amelitoa mfano wa mwananchi aliyedhulumiwa zaidi ya Sh milioni 100 katika mazingira hayo.

Amesema pia kumebainika kuwepo kwa mikopo kandamizi inayowalazimisha wakopaji kusaini mikataba miwili kwa wakati mmoja—wa mkopo na wa mauziano ya dhamana—hali inayosababisha kupoteza mali zao kwa muda mfupi hivyo ameahidi kushirikiana na vyombo husika kudhibiti tabia hiyo.

Chalamila ametangaza kuwa kuanzia Machi 2 atakuwa akipokea malalamiko binafsi katika ofisi ya Mkuu wa Mkoa, akiwataka wananchi kuwasilisha nyaraka zote kabla ya kuanza ziara ya “mguu kwa mguu” itakayoanza Machi 9 kukagua maeneo yenye migogoro katika wilaya za Kinondoni, Ilala na Temeke.

Aidha ameshukuru ushirikiano anaoupata kutoka Wizara ya Ardhi, Ofisi ya Mwanasheria Mkuu wa Serikali, TAKUKURU na vyombo vya ulinzi na usalama, akisema mapambano hayo yanahitaji nguvu ya pamoja ili kuhakikisha sheria inachukua mkondo wake bila kumuonea mtu.

Katika kuonesha dhamira ya Serikali, Chalamila alisema Rais Samia Suluhu Hassan amesisitiza viongozi kusimamia haki na kulinda rasilimali za wananchi, na kwamba operesheni hiyo ni sehemu ya utekelezaji wa agizo hilo katika ngazi ya mkoa.

Sambamba na hayo Chalamila ametoa wito kwa wananchi wa Dar es Salaam na hata kutoka mikoa mingine wenye migogoro inayohusiana na ardhi ndani ya jiji hilo kufika ofisini kwake ili kusaidiwa, akiahidi kuwa hakuna aliye juu ya sheria na haki itatendeka bila upendeleo.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more