DCEA yakamata tani 9.93 za dawa za lulevya na dawa tiba zenye asili ya kulevya.

 



Na.Sophia Kingimali.


Mamlaka ya Kudhibiti na Kupambana na Dawa za Kulevya nchini imetangaza kukamata tani 9.93 za dawa za kulevya aina mbalimbali pamoja na chupa 1,795 za dawa tiba zenye asili ya kulevya katika kipindi cha Januari na Februari 2026. 

Operesheni hizo pia zimefanikisha kuteketezwa kwa ekari 87.5 za mashamba ya bangi, kukamatwa kwa magari sita na pikipiki 29 zilizotumika katika usafirishaji wa dawa hizo, huku jumla ya watuhumiwa 151 wakitiwa mbaroni katika mikoa mbalimbali nchini.

Akizungumza na waandishi wa habari leo Mach 4,2026 Jijini Dar es salaam Kamishna Jenerali Aretas Lyimo amesema mafanikio hayo yanatokana na operesheni maalum zilizofanyika kwa ushirikiano wa vyombo vya ulinzi na usalama. 

Amesema Katika operesheni ya pamoja na maafisa wa forodha wa kituo cha Mutukula, zilikamatwa boksi 105 za dawa aina ya Pethidine zenye chupa 1,045, boksi 31 za Morphine Sulphate zenye chupa 310 na boksi 44 za Fentanyl zenye chupa 440. Dawa hizo zilikutwa ndani ya basi la abiria la kampuni ya SR Classic lenye usajili wa Jamhuri ya Kidemokrasia ya Congo, lililokuwa likiingia nchini kutoka Uganda.

"Watuhumiwa saba walikamatwa kuhusiana na tukio hilo, akiwemo Hassan Omary Mwambashi maarufu Macheni (50) mkazi wa Mbezi, pamoja na wenzake kutoka Dar es Salaam, Tanga na Uganda. Uchunguzi wa awali umebaini kuwa dawa hizo zilikuwa zikisafirishwa kinyume cha sheria na taratibu za nchi",Amesema Kamishna Jenerali Lyimo.

Mamlaka imefafanua kuwa dawa aina ya Pethidine, Morphine na Fentanyl ni dawa zenye asili ya afyuni (opioids) zinazotumika hospitalini kwa ajili ya kupunguza maumivu makali kwa wagonjwa wa saratani, ajali na selimundu. Hata hivyo, dawa hizo zinapochepushwa zinaweza kusababisha utegemezi mkubwa na madhara makubwa kiafya kutokana na nguvu yake.

Katika kukabiliana na bangi aina ya skanka, operesheni zilizofanyika jijini Dar es Salaam zilimkamata mtuhumiwa mmoja akiwa na kilo zaidi ya 81 za dawa hiyo zilizokuwa zimefichwa ndani ya lori lililobeba matunda. 

Aidha, katika maeneo ya Chanika Buyuni na jijini Mbeya, watuhumiwa kadhaa walikamatwa wakisafirisha jumla ya mamia ya kilo za skanka kupitia mabasi ya abiria.

Operesheni hizo pia zilifanyika katika mikoa ya Arusha, Tabora, Mwanza, Tanga na mingine ambako zilikamatwa tani kadhaa za bangi na mirungi pamoja na kiasi kidogo cha heroin. Mamlaka imesisitiza kuwa itaendelea kushirikiana na taasisi za Serikali na jamii kwa ujumla kuhakikisha dawa za kulevya na dawa tiba zenye asili ya kulevya hazichepushwi, huku ikiitaka jamii kushiriki kikamilifu katika vita dhidi ya biashara hiyo haramu.

Aidha Mamlaka hiyo  itaendelea kuimarisha doria na ukaguzi katika mipaka na barabara kuu ili kudhibiti mtandao wa usafirishaji wa dawa za kulevya unaovuka mipaka ya nchi.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more