BoT Yabaki na Riba ya Asilimia 5.75 Kukabili Changamoto za Uchumi wa Dunia.

 


Na Sophia Kingimali.


Serikali kupitia Benki Kuu ya Tanzania(BoT) imeendelea kuonesha msimamo wa tahadhari katika usimamizi wa uchumi baada ya kuamua kubakiza kiwango cha Riba ya Benki Kuu (CBR) katika asilimia 5.75 kwa robo ya pili ya mwaka 2026.

Uamuzi huo unaakisi jitihada za mamlaka ya fedha kulinda uthabiti wa uchumi huku kukiwa na changamoto zinazoendelea katika mazingira ya uchumi wa dunia, hususan migogoro ya kisiasa inayoathiri biashara na uwekezaji.

Kamati ya Sera ya Fedha ya Benki Kuu ilifikia uamuzi huo baada ya kufanya tathmini ya kina ya mwenendo wa uchumi wa ndani na nje, ikibaini kuwa kiwango hicho bado kinafaa katika kipindi cha sasa.

Akizungumza leo Aprili 2, 2026, Naibu Gavana wa Benki Kuu anayesimamia Sera za Fedha na Uchumi, Dkt. Yamungu Kayandabila, amesema lengo kuu ni kuhakikisha mfumuko wa bei unaendelea kubaki ndani ya wigo wa asilimia 3 hadi 5.

Ameeleza kuwa uthabiti wa riba hiyo pia utasaidia kupunguza madhara yanayotokana na misukosuko ya kiuchumi duniani, ikiwemo athari za mgogoro unaoendelea katika eneo la Mashariki ya Kati.

Aidha Dkt. Kayandabila amesema, migogoro hiyo imeanza kuathiri baadhi ya sekta muhimu kama biashara na uwekezaji, hali inayoweza kuwa na madhara ya moja kwa moja kwa uchumi wa Tanzania endapo haitadhibitiwa.

Amesema Pamoja na changamoto hizo, uchumi wa Tanzania umeendelea kuonesha kuimarika, ambapo ukuaji wa Pato la Taifa unakadiriwa kufikia asilimia 6.2 kwa Tanzania Bara na asilimia 6.7 kwa Zanzibar katika robo ya kwanza ya mwaka 2026.

"Ukuaji huo umechangiwa kwa kiasi kikubwa na sekta za ujenzi, kilimo, huduma za fedha na bima pamoja na utalii, huku wadau wa sekta ya benki wakipongeza juhudi za Benki Kuu katika kudumisha utulivu wa mfumo wa fedha nchini".Amesema

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more