FURAHA KWA WATEJA CRDB: WASHINDA SAFARI YA KOMBE LA DUNIA 2026, WENGINE WATINGA NA TV ZA KISASA INCHI 85.

 


Na Mwandishi Wetu

Furaha na shangwe vimetawala kwa baadhi ya Watanzania baada ya kujikuta wakishinda zawadi nono kupitia kampeni ya “Tembo Card Visa” ya Benki ya CRDB, huku wanne wakipata nafasi ya kipekee ya kusafiri kwenda Marekani kushuhudia fainali za Kombe la Dunia 2026.

Washindi hao, waliopatikana kupitia droo ya kwanza iliyochezeshwa jijini Dar es Salaam, wameeleza hisia zao za mshangao na furaha, wakisema hawakutarajia kupata nafasi hiyo adhimu katika maisha yao.

Miongoni mwa washindi wa safari hiyo ni Kenneth Masana Bina kutoka Kagera, Gasper Melkiory Kavishe wa Morogoro, pamoja na wakazi wa Dar es Salaam Arnold John Samugabo na Erick Harison Mlinga.

Mbali na safari hiyo ya kihistoria, washindi wengine watatu walijishindia runinga janja (Smart TV) za inchi 85 pamoja na dishi na kifushi, wakisema zawadi hizo zitabadilisha namna wanavyofurahia burudani majumbani mwao.

Akizungumza mara baada ya droo hiyo, Meneja Mwandamizi wa Kitengo cha Kadi wa CRDB, Karington Chahe, amesema kampeni hiyo inalenga kuwagusa moja kwa moja wateja kwa kuwapa zawadi zenye thamani huku ikiendelea kuhamasisha matumizi ya kadi.

“Leo tumeshuhudia furaha ya kweli kwa wateja wetu. Hii ni sehemu ya kuwashukuru na kuwapa motisha zaidi,” amesema.

Baadhi ya washindi walieleza kuwa ushindi huo umekuwa wa kushtukiza, huku wakiahidi kuendelea kutumia huduma za kadi katika miamala yao ya kila siku.

Kwa mujibu wa CRDB, kampeni hiyo iliyoanza Machi 12, 2026, itaendelea hadi Juni mwaka huu, ambapo washindi zaidi wanatarajiwa kupatikana, wakiwemo watakaosafiri kwenda kushuhudia moja ya mashindano makubwa zaidi ya soka duniani.

Kwa wengi wa washindi, zawadi hizo si tu zawadi za kawaida, bali ni ndoto zilizotimia—hasa kwa wale watakaopata nafasi ya kushuhudia Kombe la Dunia ana kwa ana kwa mara ya kwanza maishani mwao.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more