Mitandao mipya ya dawa za kulevya yaibuliwa; DCEA yaonya matumizi ya mbinu za kisasa usafirishaji

 


Na Mwandishi Wetu, Dar es Salaam


MAMLAKA ya Kudhibiti na Kupambana na Dawa za Kulevya (DCEA) imebaini kuibuka kwa mitandao mipya ya usafirishaji wa dawa za kulevya inayotumia mbinu za kisasa kuficha bidhaa hizo haramu, hali inayozua tahadhari mpya kwa vyombo vya usalama na wananchi.

Akizungumza jijini Dar es Salaam, Kamishna Jenerali wa DCEA, Aretas Lyimo, amesema wahalifu wameanza kutumia njia zisizo za kawaida kusafirisha dawa hizo, ikiwemo kuzificha kwenye mizigo ya nguo za mitumba, matunda kama maembe, pamoja na ndani ya mifumo ya hewa (AC) ya mabasi.

Amesema mabadiliko hayo ya mbinu yanakuja kufuatia kuimarishwa kwa udhibiti katika bandari na mipaka, jambo lililowalazimu wahusika wa biashara hiyo kubuni njia mbadala za kusafirisha dawa hizo ndani ya nchi.

“Tunashuhudia wahalifu wakibadilika na kuja na mbinu mpya kila wakati, lakini sisi pia tunaendelea kuimarisha mikakati ya kukabiliana nao,” amesema Lyimo.

Katika operesheni zilizofanyika mwezi Machi 2026, mamlaka hiyo ilifanikiwa kukamata kilogramu 1,983.31 za dawa za kulevya pamoja na kemikali bashirifu zinazoweza kutumika kuzalisha dawa hizo, hatua inayotafsiriwa kama juhudi za kukabiliana na mtandao huo mpya.

Amesema aina ya dawa iliyoongezeka zaidi ni mirungi iliyofikia kilogramu 1,267.12, sawa na asilimia 64 ya dawa zote zilizokamatwa, ikionesha mwelekeo mpya wa soko la dawa hizo.

Mbali na hilo, mamlaka ilikamata pia vidonge 286 na chupa 1,001 za dawa tiba zenye asili ya kulevya, zikiwemo benzodiazepine na opioid kama tramadol na codeine, ambazo hutumiwa vibaya na kusababisha uraibu.

Operesheni hizo zilifanyika katika mikoa mbalimbali ikiwemo Pwani, Mwanza, Dar es Salaam, Tanga, Arusha, Kilimanjaro na Songwe, huku baadhi ya dawa hizo zikielekezwa katika soko la Dar es Salaam.

Sambamba na hayo, ekari 55.5 za mashamba ya bangi ziliteketezwa na watuhumiwa 77 kukamatwa, sambamba na vyombo vya usafiri vilivyotumika katika mtandao huo kukamatwa.

Kutokana na hali hiyo, Lyimo amesisitiza kuwa mamlaka itaendelea kushirikiana na vyombo vya ulinzi na usalama kuvunja mitandao hiyo na kuwachukulia hatua kali wahusika wote bila kujali hadhi zao.

Vilevile, ametoa wito kwa wananchi kushirikiana na mamlaka kwa kutoa taarifa zitakazosaidia kufichua mitandao hiyo, akibainisha kuwa ushirikiano wa jamii ni silaha muhimu katika mapambano dhidi ya dawa za kulevya.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more