POSTA NA BODI YA MIKOPO ZASAINI USHIRIKIANO KURAHISISHA HUDUMA KWA VIJANA




Na Sophia Kingimali

Dar es Salaam. 


Taasisi ya Bodi ya Mikopo ya Wanafunzi wa Elimu ya Juu(HESLB) imeingia makubaliano ya ushirikiano na Shirika la Posta Tanzania, hatua inayolenga kurahisisha huduma za maombi ya mikopo kwa vijana nchini.

Akizungumza katika hafla ya utiaji saini wa makubaliano hayo,leo Aprili 22,2026 Mkurugenzi wa Bodi ya Mikopo,(HESLB) Dk. Bill Kiwia, amesema, ushirikiano huo na Posta utasaidia kutoa suluhisho kwa changamoto mbalimbali walizokuwa wakipata wanafunzi pindi wanapoomba mikopo hiyo.

Amesema ofisi hizo zitatumika kusaidia vijana kujaza na kuwasilisha maombi ya mikopo, kufanya uhakiki wa nyaraka na kutoa msaada wa kitaalamu ili kuhakikisha wanakidhi vigezo vinavyohitajika.

“Lengo letu ni kuhakikisha hakuna kijana anayekosa mkopo kwa sababu ya changamoto za kiufundi au kukosa msaada wa kujaza maombi,” alisisitiza Dk. Kiwia.

Amesema tangu kuanzishwa kwa bodi hiyo, zaidi ya trilioni tisa zimetolewa kama mikopo kwa wanufaika zaidi ya milioni moja, wakiwemo wanafunzi wa shahada, stashahada, uzamili na uzamivu.

Aidha, ameeleza kuwa pamoja na mafanikio hayo, bado kumekuwepo na changamoto katika mifumo ya maombi, hasa kwa vijana walioko maeneo ya vijijini na wasio na urahisi wa kupata huduma za mtandao.

Kwa upande wake, Postamasta Mkuu  Macrice Mbodo amesema shirika hilo linaendelea kutekeleza wajibu wake wa kurahisisha huduma kwa wananchi kupitia mtandao wake wenye zaidi ya ofisi 350 nchini na kuunganishwa na mtandao wa kimataifa.

Alibainisha kuwa Posta tayari inashirikiana na taasisi zaidi ya 150, zikiwemo za serikali na binafsi, kusambaza huduma mbalimbali kama vile vifaa tiba, taarifa na huduma za kifedha.

Alisema kupitia ushirikiano huo mpya, watahakikisha vijana wanapata mwongozo sahihi wa kujaza fomu za mikopo na kuepuka makosa yanayoweza kuwanyima fursa hiyo muhimu.

Hafla hiyo imeelezwa kuwa ni sehemu ya juhudi za serikali ya Awamu ya Sita chini ya Rais Dk. Samia Suluhu Hassan, katika kuboresha upatikanaji wa huduma kwa wananchi na kukuza maendeleo ya vijana nchini.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more