VIONGOZI WA SERIKALI NA KIROHO WANG’ARA MAADHIMISHO YA MIAKA 19 YA WRM JIJINI DAR ES SALAAM

 


Na.Mwandishi wetu.

Waziri wa Nchi, Ofisi ya Waziri Mkuu, Kazi, Ajira na Mahusiano, Deus Sangu ameongoza viongozi mbalimbali wa serikali na kisiasa kushiriki maadhimisho ya miaka 19 ya Kanisa la WRC yanayoendelea katika kanisa hilo kivule Jijini Dar es salaam.

Katika tukio hilo, Sangu aliambatana na Mkuu wa Wilaya ya Ilala, Edward Mpogolo, Mbunge wa Kivule, Ojambi Massaburi pamoja na Mbunge wa Bunda, Ester Bulaya, ambapo walipokelewa na waumini na viongozi wa kanisa hilo.

Akizungumza kwa niaba ya Mkuu wa Mkoa wa Dar es Salaam, Mpogolo alisema kutimiza miaka 19 kwa Kanisa la WRC ni historia kubwa inayostahili pongezi, akiwashukuru pia viongozi wa kanisa hilo  kwa mchango wao mkubwa katika kuimarisha huduma za kiroho na maendeleo ya kijamii katika mkoa huo.

Ameongeza kuwa uwepo wa viongozi hao umekuwa chachu ya amani na maendeleo nchini, huku akibainisha kuwa serikali itaendelea kushirikiana na taasisi za kidini katika kujenga jamii yenye mshikamano. 

Aidha, amegusia changamoto za baadhi ya matukio ya uhalifu yanayosambaa kwa kasi mitandaoni, akisisitiza kuwa mamlaka za wilaya zitachukua hatua kwa kufanya uchunguzi pamoja na kutoa msaada kwa waathirika.

Mpogolo amewataka viongozi wa dini kuendelea kuliombea taifa na kukemea vitendo viovu, akieleza kuwa maombi yana nafasi kubwa katika kuimarisha maadili ya jamii na kuondoa changamoto zinazoikabili.

Kwa upande wake, Ester Bulaya amesema maadhimisho hayo ni tafsiri halisi ya kumtumikia Mungu, akiahidi kuendelea kuunga mkono juhudi za viongozi wa dini huku akieleza kuwa hata Rais anaunga mkono mchango wao kutokana na nafasi yao katika kuliombea taifa.

Naye Mbunge wa kivule Ojambi Massaburi ameeleza kuwa ni miongoni mwa wale waliokuzwa kiimani na Askofu Nicklous Suguye, akisisitiza kuwa maombi na malezi ya kiroho aliyoyapata yamechangia mafanikio yake katika nafasi mbalimbali za uongozi alizowahi kushika.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more