DCEA Yafichua Mtandao wa Uingizaji Kemikali Hatari nchini

 


Na Sophia Kingimali.


MAMLAKA ya Kudhibiti na Kupambana na Dawa za Kulevya (DCEA) imeeleza kuwa operesheni maalum iliyofanyika mwezi Aprili mwaka huu imefanikiwa kufichua mtandao wa uingizaji na usafirishaji wa kemikali bashirifu zilizokuwa zikielekezwa katika matumizi haramu ya utengenezaji wa dawa za kulevya nchini.

Akizungumza na waandishi wa habari Mei 13, 2026 jijini Dar es Salaam, Kamishina Jenerali wa DCEA, Aretas James Lyimo alisema mamlaka hiyo ilikamata lita 66,048 za kemikali mbalimbali zikiwemo Cyclohexanone na Extra Neutral Alcohol (ENA), ambazo licha ya kuwa na matumizi halali viwandani, zimekuwa zikitumiwa pia katika maabara haramu za kutengeneza dawa za kulevya.

Amesema operesheni hiyo ilitekelezwa kwa ushirikiano na Mamlaka ya Maabara ya Mkemia Mkuu wa Serikali pamoja na TRA, ambapo magari mawili yaliyokuwa yakisafirisha kemikali hizo yalikamatwa sambamba na watuhumiwa wawili wanaohojiwa kuhusiana na tukio hilo.

Kwa mujibu wa DCEA, uchunguzi wa awali umeonyesha kuwa baadhi ya kemikali hizo ziliingizwa nchini bila kufuata taratibu za kisheria, ikiwemo kutokuwa na vibali kutoka mamlaka husika, huku nyingine zikisafirishwa kwa kutumia vibali vya kughushi ili kuficha uhalisia wa mzigo uliokuwa ukisafirishwa.

Kamishina Lyimo alisema mbinu hizo zinaonyesha kuwepo kwa mitandao ya kihalifu inayotumia mianya mbalimbali kuingiza kemikali bashirifu kwa ajili ya kuzalisha dawa za kulevya, hali inayohatarisha usalama na afya ya jamii.

Amefafanua kuwa kemikali aina ya Cyclohexanone zina uwezo wa kutumika kuzalisha dawa za kulevya aina ya PCP, na kwamba kiasi kilichokamatwa kingeweza kutengeneza zaidi ya tani 11 za dawa hizo haramu.

Katika oparesheni nyingine zilizofanyika kwenye mikoa mbalimbali nchini, DCEA ilisema imekamata tani kadhaa za bangi na mirungi pamoja na kiasi cha heroin na cocaine, huku mashamba ya bangi yakiteketezwa na watuhumiwa zaidi ya 80 kutiwa mbaroni.

Mamlaka hiyo imeeleza kuwa itaendelea kuimarisha ushirikiano na taasisi nyingine za Serikali katika kudhibiti uchepushaji wa kemikali bashirifu na biashara ya dawa za kulevya, huku wananchi wakitakiwa kuendelea kutoa taarifa zitakazosaidia kuvunja mitandao hiyo ya kihalifu.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more