BoT Yazindua Mfumo wa Kidijitali Kuimarisha Uwazi wa Biashara ya Fedha za Kigeni

 



Na.Mwandishi wetu

BENKI Kuu ya Tanzania (BoT) imechukua hatua mpya ya kuimarisha uwazi na ufanisi katika soko la fedha za kigeni baada ya kuzindua Mfumo wa Kielektroniki wa Kuoanisha Miamala (EMS), utakaorahisisha biashara ya fedha za kigeni kwa njia ya kidijitali.

Mfumo huo uliozinduliwa Juni 8, 2026, unatarajiwa kuongeza uwazi katika upangaji wa viwango vya ubadilishaji fedha huku ukiimarisha uwezo wa Benki Kuu kufuatilia mwenendo wa soko kwa wakati halisi.

Akizungumza wakati wa uzinduzi huo, Naibu Gavana wa BoT anayesimamia Sera za Uchumi na Fedha, Dkt. Yamungu Kayanda Bila, alisema mfumo huo utawezesha washiriki wa soko kuwasilisha na kuoanisha miamala ya fedha za kigeni kwa njia ya kielektroniki, hatua itakayosaidia kuondoa changamoto za mfumo wa kawaida wa biashara.

Alisema EMS itachangia kuimarisha utulivu wa soko la fedha za kigeni kwa kuweka mazingira yenye ushindani wa haki na kuongeza ufanisi katika upatikanaji wa viwango vya ubadilishaji fedha.

Kwa mujibu wa BoT, washiriki wa mfumo huo ni mabenki ya biashara pamoja na wauzaji wakubwa wa bidhaa nje ya nchi watakaoidhinishwa kushiriki katika soko hilo.



Mkurugenzi wa Masoko ya Fedha wa BoT, Emmanuel Akaro, alisema mfumo huo utatumia utaratibu wa biashara usiotambulisha wahusika moja kwa moja (anonymous trading), ambapo oda za ununuzi na uuzaji zitaoanishwa kwa kuzingatia bei na muda wa kuwasilishwa.

Alieleza kuwa hatua hiyo itaongeza uadilifu wa soko na kuondoa uwezekano wa upendeleo katika utekelezaji wa miamala ya fedha za kigeni.

Mfumo huo utatumika katika miamala ya papo kwa papo kati ya Shilingi ya Tanzania na Dola ya Marekani, ukiwa sehemu ya mageuzi yanayoendelea kufanywa na Benki Kuu katika sekta ya fedha.

Uzinduzi wa EMS unaongeza mafanikio mengine yaliyofikiwa katika soko la fedha za kigeni nchini, yakiwemo utekelezaji wa Sera ya Ushiriki wa Benki Kuu katika Soko la Jumla la Fedha za Kigeni ya mwaka 2023 pamoja na Kanuni za Maadili za mwaka 2024 zinazolenga kuzingatia viwango bora vya kimataifa.

Wataalamu wa uchumi wanaeleza kuwa hatua hiyo inaweza kuongeza imani ya wawekezaji na wafanyabiashara katika mfumo wa fedha wa Tanzania kwa kuweka mazingira yenye uwazi zaidi katika biashara ya fedha za kigeni.

Comments

Post a Comment

Popular posts from this blog

HAPI AWATAKA WAGOMBEA WALIOKOSA UTEUZI KUVUNJA MAKUNDI NA KUUNGANA KUTAFUTA KURA ZA KISHINDO ZA CHAMA HICHO.

Image
Na.Mwandishi Wetu. KATIBU Mkuu Jumuiya ya Wazazi(CCM) Ally Hapi (MNEC)amewataka wagombea ambao hawakupata uteuzi ndani ya chama kuungana na kukitafutia chama na wagombea wake kura za kishindo ili chama kiendelee kushika dola Akizungumza wakati wa uzinduzi huo leo Septemba 13, 2025 amezindua rasmi kampeni za Ubunge Jimbo la Kinondoni zilizofanyika uwanja wa Mwinjuma Kata ya Kinondoni Dar es Salaam Hapi  amewashukuru Wanançhi Kinondoni kwa kujitokeza kwa wingi ambapo amewahakikishia kuwa wamepata mtu sahihi na mchapakazi, mnyenyekevu, anajishusha kwa watu wote wa juu na chini huku akiwataka kutokuwa na mashaka nae. "Nimewahi fanya kazi hapa Kinondoni kama Mkuu wa Wilaya, nafahamu uwezo wa Mgombea wetu wa Chama Cha Mapinduzi (CCM) katika Jimbo la Kinondoni Mheshimiwa Tarimba na sina shaka nae kabisa mpeni kura nyingi za Ndiyo Oktoba 29 na pia kwa Rais wetu Samia Suluhu Hassan na Madiwani wote kutoka CCM. Tuvunje makundi, na sasa tukunjue mioyo tutafute kura kwa Mbunge, Rais na Diwani...
Read more

Msajili Hazina aipa tano TPA

Image
  Na Mwandishi wa OMH,Tanga. Msajili wa Hazina Bw. Nehemiah Mchechu ameipongeza Mamlaka ya Usimamizi wa Bandari Tanzania (TPA) hususan Bandari ya Tanga kwa ufanisi mzuri wa kukusanya   mapato makubwa ikiwa ni matokeo ya kukamilika kwa mradi wa maboresho katika   bandari hiyo. Pongezi hizo zilitolewa na Msajili wa Hazina Jumatatu, Septemba 1, 2025, wakati wa ziara yake katika bandari hiyo kwa lengo la kukagua utendaji kazi wake.  Akiongea mara baada ya kupokea taarifa ya utendajikazi wa bandari hiyo, Bw. Mchechu alisema kuwa  uwekezaji uliofanywa na Serikali ya awamu ya sita chini ya uongozi wa Mhe. Rais Dk. Samia Suluhu Hassan uliogharimu kiasi cha Sh429.1 bilioni umefanya meli kubwa kuweza kutia nanga na shehena ya mzigo pamoja na mapato kuwa makubwa.  "Tutahakikisha kuwa sekta binafsi pamoja na sekta ya umma zinaungana  katika kufanya uwekezaji mkubwa kwa ajili ya manufaa ya umma,” alisema. Aidha,  Bw. Mchechu aliwataka wafanyakazi wa ...
Read more

YUSUPH RAI AWASII WANANCHI TEMEKE KUCHAGUA MTU SIO CHAMA KWA MAENDELEO YA JIMBO HILO.

Image
  Na. Sophia Kingimali,Dar es salaam Mgombea ubunge jimbo la Temeke kupita chama cha wakulima(AAFP)Yusuph Rai ameweka wazi vipaumbele vyake pindi atakapo pewa ridhaa kuongoza jimbo hilo kwa kuhakikisha anakuwa mbunge wa wanachi na sio mbunge wa chama. Akizungumza leo Septemba 15,2025 wakati akizindua kampeni zake Temeke Jijini Dar es salaam amesema amefikia uamuzi wa kugombea nafasi hiyo baada ya kuona viongozi wote waliotangulia katika jimbo hilo hawajaweza kutatua kero za wananchi. "Jimbo hili katika miaka yote tumekosa viongozi wanaokwenda kututatulia kero zetu wanaochaguliwa wanafanyakazi kwa ajili ya maslahi ya vyama vyao na maslahi yao binafsi niwaombe wanatemeke sasa chagueni mtu na sio chama kwani ni lazima tupate mabadiliko ya kweli",Amesema.  Aidha Rai ameongeza kuwa atahakikisha anafanya mabadiliko katika miundombinu mbalimbali ambayo ni changamoto kwenye jimbo hilo ikiwemo miundombinu ya Elimu,Afya,barbara,takataka na miundombinu ya maji safi na salama. "Mkin...
Read more