Newsroom360

  📌 Itanufaisha wilaya za Kongwa,Gairo, Mpwapwa, na Chamwino  📌 Waziri Ndejembi azindua Kituo cha Kubadilishia Njia za Usambazaji Umeme na Transfoma ya Kudhibiti Umeme 📌 Serikali yawekeza zaidi ya Shilingi Bilioni 10.5 kuimarisha huduma ya umeme Na Mwandishi Wetu, Kongwa Wananchi wa Wilaya za Gairo, Mpwapwa, Kongwa, Chamwino na Kiteto wanatarajiwa kunufaika na huduma ya umeme wa uhakika zaidi kufuatia kukamilika kwa miradi ya kuimarisha mfumo wa usambazaji wa umeme iliyotekelezwa na Shirika la Umeme Tanzania (TANESCO) kwa gharama ya zaidi ya Shilingi bilioni 10.5. Miradi hiyo inahusisha Kituo cha Kubadilishia Njia za Usambazaji Umeme (Switching Station), Transfoma ya Kudhibiti Umeme (Automatic Voltage Regulator – AVR) yenye uwezo wa MVA 20 pamoja na njia ya kusafirisha umeme ya msongo wa kilovoti 33 kutoka Kituo cha Kupokea na Kupoza Umeme cha Zuzu hadi Mbande yenye urefu wa kilomita 92. Akizindua miradi hiyo Juni 16, 2026 katika eneo la Mbande, Wilaya ya Kongwa, Waziri wa ...

  📍Yazindua vituo vya kuchajia vyombo vya usafiri vinavyotumia umeme 📍Wananchi kunufaika na mpango wa ukopeshaji wa majiko ya umeme kupitia LUKU Na Mwandishi Wetu, Dodoma Shirika la Umeme Tanzania (TANESCO) limezindua mradi wa vituo vya kuchajia vyombo vya usafiri vinavyotumia umeme pamoja na Mpango wa Ukopeshaji wa Majiko ya Umeme kwa Wateja (On-Bill Financing – OBF), hatua inayofungua ukurasa mpya wa matumizi ya umeme nchini na kuharakisha utekelezaji wa ajenda ya nishati safi. Akizindua miradi hiyo jijini Dodoma, Waziri wa Nishati, Mhe. Deogratius Ndejembi (Mb) leo tarehe 11 Juni, 2026 alisema hatua hiyo inaonesha dhamira ya Tanzania kushiriki kikamilifu katika mageuzi ya matumizi ya nishati safi duniani huku ikilenga kuboresha maisha ya wananchi na kukuza uchumi. “Hatua hii inapanua matumizi ya umeme kutoka kupikia hadi usafiri, kwa lengo la kuboresha maisha ya wananchi, kupunguza gharama za maisha na kuchochea ukuaji wa uchumi wa Taifa,” alisema Mhe. Ndejembi. Alisema Serika...

  📌*Vituo 50 kujengwa nchini* 📌*Wateja milioni moja kunufaika na majiko ya umeme* Dodoma Waziri wa Nishati, Mhe. Deogratius Ndejembi, leo Juni 11, 2026 jijini Dodoma amezindua rasmi mpango wa ukopeshaji wa majiko ya umeme kwa wateja wa TANESCO pamoja na mradi wa vituo vya kuchajia vyombo vya usafiri vinavyotumia umeme, hatua inayolenga kuhamasisha matumizi ya nishati safi nchini. Akizungumza katika hafla hiyo, Waziri Ndejembi amesema matukio hayo mawili ni ya kihistoria kwa kuwa yanafungua ukurasa mpya wa matumizi ya umeme nchini, si kwa ajili ya mwanga pekee bali pia kama nyenzo ya kuboresha maisha ya wananchi, kupunguza gharama za maisha na kulinda mazingira. Amesema Serikali ya Awamu ya Sita chini ya uongozi wa Rais Mhe. Dkt. Samia Suluhu Hassan imewekeza kwa kiwango kikubwa katika sekta ya nishati, hali iliyowezesha uzalishaji wa umeme nchini kufikia zaidi ya megawati 4,000 na kuifanya Tanzania kuwa na umeme wa kutosha kwa matumizi mbalimbali ya maendeleo. Kuhusu mpango wa ma...

  Na.Mwandiahi wetu. Wakala wa Usajili wa Biashara na Leseni (BRELA) imeendelea kusisitiza umuhimu wa ulinzi wa Miliki Ubunifu kupitia ushirikiano na wanawake wa fani za Sayansi, Teknolojia, Uhandisi na Hisabati hatua inayolenga kuongeza uelewa kuhusu haki za Miliki Ubunifu ili kuhakikisha bunifu za watanzania zinalindwa, zinathaminiwa na zinachangia kikamilifu katika maendeleo ya jamii na kutatua changamoto zilizoizunguka jamii kwenye maisha yao ya kila siku. Hayo yamebainishwa na Afisa Mtendaji Mkuu wa BRELA, Bw. Godfrey Nyaisa leo tarehe 09 Juni 2026 wakati akifungua warsha ya Miliki Ubunifu kwa wanawake katika fani za Sayansi, Teknolojia, Uhandisi pamoja na Hisabati (STEM) iliyofanyika katika ukumbi wa Tume ya Ushindani jijini Dar es salaam. Akizungumza katika hotuba yake, Bw. Nyaisa alisema kuwa warsha hiyo ni muendelezo wa utekelezaji wa mkakati wa BRELA kuwafikia wabunifu waka kada na fani zote ili kuwaelezea umuhimu wa ulinzi na ubiasharishaji wa bunifu zao. “Kwa kutambua u...

  Dar es Salaam. Mkurugenzi wa Kituo cha Ubia kati ya Sekta ya Umma na Sekta Binafsi (PPP Centre), Mhe. David Kafulila, amesema Tanzania inahitaji kuongeza kasi ya maendeleo kuliko ilivyofanya Singapore ili kufikia lengo la kuwa na uchumi wa dola trilioni moja ifikapo mwaka 2050. Kafulila ameyasema hayo kupitia ukurasa wake wa mtandao wa kijamii wa X, akieleza kuwa ziara ya Rais wa Singapore, Tharman Shanmugaratnam, pamoja na mhadhara wake Chuo Kikuu cha Dar es salaam (UDSM) imeibua hamasa kubwa miongoni mwa viongozi wa serikali, wanazuoni, wawekezaji na wananchi kwa ujumla kuhusu safari ya maendeleo ya Singapore kutoka taifa la kipato cha chini hadi kuwa miongoni mwa mataifa yenye maisha bora zaidi duniani. Akinukuu takwimu za IMF za mwaka 2026, Kafulila amesema Singapore ni miongoni mwa nchi zinazoongoza duniani kwa pato la mtu mmoja mmoja, likifikia zaidi ya dola 107,000 kwa mwaka. Hata hivyo, amesema kuwa licha ya mafanikio hayo, uchumi wa Singapore bado haujafikia dola trilion...

  Na.Mwandishi wetu BENKI Kuu ya Tanzania (BoT) imechukua hatua mpya ya kuimarisha uwazi na ufanisi katika soko la fedha za kigeni baada ya kuzindua Mfumo wa Kielektroniki wa Kuoanisha Miamala (EMS), utakaorahisisha biashara ya fedha za kigeni kwa njia ya kidijitali. Mfumo huo uliozinduliwa Juni 8, 2026, unatarajiwa kuongeza uwazi katika upangaji wa viwango vya ubadilishaji fedha huku ukiimarisha uwezo wa Benki Kuu kufuatilia mwenendo wa soko kwa wakati halisi. Akizungumza wakati wa uzinduzi huo, Naibu Gavana wa BoT anayesimamia Sera za Uchumi na Fedha, Dkt. Yamungu Kayanda Bila, alisema mfumo huo utawezesha washiriki wa soko kuwasilisha na kuoanisha miamala ya fedha za kigeni kwa njia ya kielektroniki, hatua itakayosaidia kuondoa changamoto za mfumo wa kawaida wa biashara. Alisema EMS itachangia kuimarisha utulivu wa soko la fedha za kigeni kwa kuweka mazingira yenye ushindani wa haki na kuongeza ufanisi katika upatikanaji wa viwango vya ubadilishaji fedha. Kwa mujibu wa BoT, wash...

  Na Mwandishi wetu,Dar es Salaam WADAU wa sekta ya afya wameitaka serikali kuboresha mazingira ya uwekezaji kwa kupunguza vikwazo vinavyoongeza gharama za utoaji huduma za afya, ikiwemo kodi na wingi wa mamlaka za udhibiti, ili kuongeza ushiriki wa sekta binafsi katika kuboresha huduma kwa wananchi. Wito huo umetolewa jijini Dar es Salaam wakati wa mjadala kuhusu ubia kati ya sekta ya umma na binafsi (PPP) katika sekta ya afya ulioandaliwa na Kituo cha Ubia kati ya Sekta ya Umma na Binafsi (PPPC) kwa kushirikiana na wadau wa afya. Mwekezaji katika sekta za afya na elimu, Dk. Mahmood Mringo ambaye pia ni Makamu Mwenyekiti wa Chama cha Wamiliki wa Hospitali Binafsi(APHFTA), alisema uwekezaji katika sekta ya afya unahitaji mtaji mkubwa lakini bado unakabiliwa na changamoto mbalimbali zinazoongeza gharama za huduma. Alisema pamoja na umuhimu wa sekta ya afya kwa ustawi wa wananchi, bado wawekezaji wanakabiliwa na kodi na mifumo ya udhibiti inayoongeza mzigo wa gharama katika utoaji wa...