Newsroom360

  Na.Mwandishi wetu  Wakala wa Usajili wa Biashara na Leseni (BRELA), yatakiwa kuongeza kasi ya urasimishaji wa biashara na kuimarisha mifumo ya kidijitali ili kuchochea ufanisi na ukuaji wa uchumi kwani BRELA ni lango kuu la uwekezaji nchini. Hayo yamesemwa na Waziri wa Viwanda na Biashara Mhe. Judith Kapinga  (Mb), Machi 04, 2026, wakati akifungua Baraza la wafanyakazi la BRELA na kuhimiza uwekezaji kwenye rasilimali watu, akitaka watumishi wapewe mafunzo na stahiki zao kwani ustawi wa wafanyakazi ndio siri ya mafanikio ya taasisi, na kuwataka watumishi kufanya kazi kwa uadilifu, weledi, na uzalendo. Waziri Kapinga amebainisha kuwa kwa mujibu wa tafiti mbalimbali za wadau, zaidi ya 80% ya biashara nchini zipo sekta isiyo rasmi, hivyo BRELA lazima iwe kinara wa kuzirasimisha, hatua ambayo itawawezesha Wajasiriamali wadogo kupata mikopo, masoko, na ulinzi wa kisheria. Aidha, ameagiza kuhuisha mifumo ya TEHAMA ili iwe rafiki itakayopunguza gharama pamoja na muda wa mteja k...

  Na.Sophia Kingimali. Mamlaka ya Kudhibiti na Kupambana na Dawa za Kulevya nchini imetangaza kukamata tani 9.93 za dawa za kulevya aina mbalimbali pamoja na chupa 1,795 za dawa tiba zenye asili ya kulevya katika kipindi cha Januari na Februari 2026.  Operesheni hizo pia zimefanikisha kuteketezwa kwa ekari 87.5 za mashamba ya bangi, kukamatwa kwa magari sita na pikipiki 29 zilizotumika katika usafirishaji wa dawa hizo, huku jumla ya watuhumiwa 151 wakitiwa mbaroni katika mikoa mbalimbali nchini. Akizungumza na waandishi wa habari leo Mach 4,2026 Jijini Dar es salaam Kamishna Jenerali Aretas Lyimo amesema mafanikio hayo yanatokana na operesheni maalum zilizofanyika kwa ushirikiano wa vyombo vya ulinzi na usalama.  Amesema Katika operesheni ya pamoja na maafisa wa forodha wa kituo cha Mutukula, zilikamatwa boksi 105 za dawa aina ya Pethidine zenye chupa 1,045, boksi 31 za Morphine Sulphate zenye chupa 310 na boksi 44 za Fentanyl zenye chupa 440. Dawa hizo zilikutwa ndani ya...

  Na Mwandishi wa OMH Msajili wa Hazina, Bw. Nehemiah Mchechu, amefanya mazungumzo na Bw. Keith Liddell, Mwanzilishi na Mwenyekiti wa kampuni ya Lifezone Metals Limited, inayomiliki Tembo Nickel Corporation Limited kwa ubia na Serikali ya Tanzania kupitia Ofisi ya Msajili wa Hazina. Mazungumzo hayo yalifanyika Jumatatu, Machi 2, 2026, katika Ofisi ya Msajili wa Hazina jijini Dar es Salaam, yakilenga kujadili maendeleo ya utekelezaji wa Mradi wa Kabanga Nickel uliopo mkoani Kagera, ambao thamani ya uwekezaji wake unakadiriwa kuwa zaidi ya dola bilioni 2.5. Mradi huo ni miongoni mwa miradi mikubwa ya kimkakati katika sekta ya madini nchini, ukiwa na matarajio ya kuibadili Tanzania kuwa kitovu muhimu cha uzalishaji wa madini ya nickel duniani. Mkutano huu umefanyika katika wakati muafaka, ikizingatiwa kuwa Uamuzi wa Mwisho wa Uwekezaji (Final Investment Decision – FID) unatarajiwa kufanyika mwaka huu (2026). Msajili wa Hazina alisisitiza kuwa Serikali itaendelea kusimamia kwa karibu...

 Na.Mwandishi wetu. Waziri wa Nchi, Ofisi ya Waziri Mkuu – Tawala za Mikoa na Serikali za Mitaa -TAMISEMI Mhe. Prof. Riziki Shemdoe amewaelekeza Wakuu wa Mikoa wote nchini kuzisimamia Halmashauri zao kuhakikisha zinaweka siku maalum ya kusikiliza malalamiko na kero za wananchi katika ngazi ya kata ili kurahisisha upatikanaji wa huduma na ufumbuzi wa changamoto kwa wananchi wa ngazi ya chini.  Maelekezo hayo ameyatoa Machi 2, 2026 wakati akifungua Mkutano Mkuu wa 12 wa Umoja wa Maafisa Elimu wa Mikoa na Halmashauri Tanzania Bara unaofanyika katika Ukumbi wa Lush Garden Hotel jijini Arusha, ambapo amesisitiza kuwa ni muhimu kwa Mkurugenzi wa Halmashauri na Timu ya Usimamizi wa Halmashauri (CMT) kuwa karibu na wananchi na kusikiliza kero zao mapema badala ya kusubiri ziibuliwe wakati wa ziara za viongozi wakuu wa kitaifa. Amesema kukosekana kwa utaratibu wa kuwasikiliza wananchi katika ngazi ya halmashauri kumesababisha wananchi wengi kujitokeza na malalamiko wakati wa ziara za v...

  Na.Mwandishi wetu. Mradi wa ujenzi wa matangi 15 ya kuhifadhia mafuta wenye thamani ya Sh bilioni 678.6 umeelezwa kuwa kichocheo kipya cha mapinduzi ya nishati na biashara katika Ukanda wa Afrika Mashariki, huku Rais wa Jamhuri ya Muungano wa Tanzania, Samia Suluhu Hassan, akitarajiwa kuweka jiwe la msingi kuashiria mwanzo rasmi wa utekelezaji wake. Akizungumza Machi 2, 2026 jijini Dar es Salaam, Waziri wa Uchukuzi, Makame Mbarawa, alisema mradi huo utakaotekelezwa katika eneo la Kigamboni Mnadani ni sehemu ya mkakati mpana wa kuifanya Tanzania kuwa kitovu cha uhifadhi na usambazaji wa mafuta kwa nchi za ukanda huu. Amesema badala ya kuangalia tu upanuzi wa bandari, Serikali imeamua kuwekeza kimkakati katika miundombinu ya kuhifadhi nishati ili kuongeza ushindani wa kibiashara na kupunguza gharama za uagizaji na usambazaji wa mafuta nchini na nje ya mipaka. Aidha  Profesa Mbarawa,ameongeza kuwa matangi hayo yatakuwa na uwezo wa kuhifadhi jumla ya mita za ujazo 378,000 za maf...

  Na.SOPHIA KINGIMALI Mkuu wa Mkoa Dar kuanza marathon ya kusikiliza na kutatua kero za ardhi Mkuu wa Mkoa wa Dar es Salaam, Albert Chalamila, ametangaza kuanza rasmi kwa operesheni maalum ya kusikiliza na kutatua kero za ardhi na vitendo vya utapeli vinavyowaumiza wananchi wa mkoa huo, lengo likiwa ni kurejesha haki na kuondoa mtandao wa wanyang’anyi waliodumu kwa miaka mingi. Akizungumza na waandishi wa habari, leo Machi 2,2026 Jijini Dar es salaam Chalamila amesema kumekuwepo na kiwango kikubwa cha utapeli na unyang’anyi wa ardhi unaofanywa na makundi yanayoshirikiana na baadhi ya watu ndani na nje ya mifumo ya kiutendaji.  "Tayari baadhi ya waliokuwa wamepora ardhi wameanza kujitokeza na kuzirudisha kwa hiari, ambapo hadi sasa viwanja visivyopungua 19 vimerudishwa kimya kimya kwa wahusika halali",Amesema Chalamila. Aidha Chalamila amebainisha kuwa makundi yaliyoathirika zaidi ni wajane, yatima, walinzi na familia zisizojiweza, ambao mara nyingi hunyang’anywa mali kwa kutu...

  NA. MWANDISHI WETU – Dar es Salaam KATIBU Mkuu Ofisi ya Waziri Mkuu, Sera, Bunge, Uratibu na Wenye Ulemavu, Dkt. Jim Yonazi ambaye pia ni mwenyekiti wa Kamati ya Usimamizi wa Mradi wa DART amesema Serikali imejipanga kikamilifu kuhakikisha inamaliza changamoto ya usafiri katika Jiji la Dar es Salaam, ili wananchi waweze kupata huduma bora, ya haraka na yenye uhakika. Akizungumza hii leo 27 Februari, 2026 mara baada ya Kamati hiyo kufanya ziara ya kukagua miundombinu ya usafirishaji jijini humo, Dkt. Yonazi amesema Serikali imewekeza kwa kiwango kikubwa katika kuboresha sekta ya usafiri wa umma. Alisema katika ziara hiyo, kamati ilitembelea Wakala wa Mabasi Yaendayo Haraka Dar es Salaam (DART) pamoja na Kampuni ya Uendeshaji wa Mabasi Yaendayo Haraka (UDART) na kujionea maendeleo ya uwekezaji uliofanywa. “Ni dhamira ya Serikali kuhakikisha usafiri wa Dar es Salaam unakuwa bora, wa kisasa na unaokidhi mahitaji ya wananchi. Tumejionea miundombinu iliyowekwa na jitihada zinazoendelea...